«Erta tashxis va abilitatsiya» fanidan sessiya oralig‘i nazorat ishi topshiriqlari Fan: «Erta tashxis va abilitatsiya

Eksperimental psixologik-pedagogik tekshirish metodikalari

Katta-kichikligi bo‘yicha taqqoslash. Topshiriqlar ko‘rish idrokini rivojlanish darajasini, bolaning katta-kichiklikni amaliy chamalab olishini aniqlashga yo‘naltirilgan.

Bir-biriga kiradigan kublar

Tekshirish materiallari: 4 ta bir-biriga kiradigan kublar

Tekshirish metodikasi: bola stol yonida o‘tiradi. Uning oldida katta kub uning ichidan kichik kub olinadi va hokazo. Bolaga kublarni o‘z joyiga qo‘yish, ya’ni kichkinasini kattasi ichiga solish taklif etiladi. Agarda bola topshiriqni bajarishga kirishmasa, uni kublarni olish va solishga o‘rgatiladi, so‘ngra bolaga topshiriqni mustaqil bajarish taklif etiladi.

Bajarish: 1 yoshu 6 oylik – bir-biriga 2 ta kubni soladi;

2 yosh-3 ta kubni soladi;

2,5 yosh-4-5 ta kubni soladi;

3 yosh-5 tadan ko‘p kubni soladi.

Sharni yashir:

Tekshirish materiali: kattaligi turlicha bo‘lgan, ammo bir xil rangdagi, qopqoqlari bo‘lgan 2-3 ta quticha.

Tekshirish metodikasi: bola oldiga 2 ta (1-2 g) yoki 3 ta (2-3 g) quti va ulardan sal yiroqroqda qopqoqlari qo‘yiladi. Eksperimentator katta sharni katta qutiga, kichik sharni kichik qutiga soladi va boladan qutichalarning qopqog‘ini yopib sharlarni yashirib qo‘yishshi so‘raladi. Bunda bolaga qaysi qopqoqni olish tushuntirilmaydi. Agarda bola qutiga mos qopqoqni olmasa, eksperimentator katta qopqoq bilan katta qutini, kichik qopqoq bilan kichik qutinng og‘zini yopish lozimligini tushuntiriladi.