Erkin vohidovning hayoti va ijodiga doir test topshiriqlari

Erkin o‘g‘lingman, qabul et,
O‘zbegim, jon o‘zbegim

“MANTIQ MAYDONI”
1. “Rost aytsam, bu mening ham dardim,
Xolimasman bu kasallikdan”
Erkin Vohidov qanday kasallik haqida so’z yuritgan bo’lishi mumkin?

2. “Bu so’zimni yaponga aytsam

Dedi battar qisib ko’zini:
- Yapon bundoq yasholmas hech ham
Xarakiri qilar o’zini”
Ushbu she’rda tilga olingan “xarakiri” so’zining ma’nosi nima o’ylaysiz?

3. “Garchi shuncha mag‘rur tursa ham,

Piyolaga egilar choynak.
Shunday ekan, manmanlik nechun,
Kibr-u havo nimaga kerak?
Kamtarin bo‘l, hatto bir qadam
O‘tma g‘urur ostonasidan.
Piyolani inson shuning-chun
O‘par doim peshonasidan”
Ushbu she’r ijodkorning qanday mavzuga bag’ishlangan namunasi hisoblanadi?

4. Erkin Vohidov o’gitlariga muofiq, eng katta baxt va eng katta baxtsizlik nima deb ataydi?

5. Erkin Vohidov o’gitlariga muofiq, millatning kelajagi kimlarning saviyasiga bog’liq deb aytib o’tgan?
Javoblar:
1. Dangasalikdan (“Dangasalar” she’ridan olindi)
2. Yapon samuraylarining or-nomus uchun o’z joniga qasd qilishi
3. “Kamtarlik haqida”
4. Har bir aytgan so‘zing, ishing o‘zingning xohishingga muvofiq bo‘lsa – eng katta baxt shu. Aksincha, insonning o‘z ichki intilishlari, qalbi, e’tiqodi, so‘zi bilan ishi o‘rtasida ziddiyat paydo bo‘lsa, vijdoni buyurganini qilolmasa, bu – inson uchun juda katta baxtsizlikdir.
5. “Har bir millatning kelajagi istaymizmi-yo‘qmi, o‘qituvchilar saviyasiga bog‘liq. Bu haqiqatni hech qachon esdan chiqarmasligimiz lozim.”