Erkin iqtisodiy zonalar to’g’risida

Markaziy Osiyodagi iqtisodiy vaziyat

Ichki talabning kuchayishi Markaziy Osiyoda iqtisodiy faollikni oshirdi, chunki iqtisodiyotning bosqichma-bosqich ochilishi chakana savdo hajmini oshirdi. Mutaxassislarning fikriga ko‘ra, mintaqadagi o‘sish 2021 va 2022 yillarda 4,3 foizgacha tiklanadi.

Qayd etilishicha, xavfsizlikka tahdidlarning oshishi va qochqinlar oqimi bilan bog‘liq noaniqlik sababli qo‘shni davlatlardagi, jumladan Afg‘onistonda, barqarorlik bo‘yicha xavotirlar Markaziy Osiyodagi o‘rta va uzoq muddatli istiqbollarga xavf solishi mumkin. Shuningdek, mintaqaning iqtisodiy prognozlari siyosiy tanglik va ijtimoiy tartibsizliklar, ayniqsa Qirg‘iziston bilan bog‘liq noaniqliklarni ham inobatga olishi kerak.

3. O‘zbekistonda 12 mingga yaqin xorijiy kapital ishtirokida faoliyat yuritayotgan korxonalar mavjud

2021 yilning 1 fevral holatiga ko‘ra, O‘zbekistonda 5724 ta qo‘shma korxona va 6195 ta xorijiy korxonalar faoliyat yuritmoqda. Xorijiy kapital ishtirokida faoliyat yuritayotgan korxonalarning eng ko‘pi sanoat sohasiga to‘g‘ri keladi.

Davlat statistika qo‘mitasi ma’lumotlariga ko‘ra, 2021 yilning 1 fevral holatiga ko‘ra, O‘zbekistonda xorijiy kapital ishtirokida faoliyat ko‘rsatayotgan korxonalarning soni 11 919 tani tashkil qiladi. Shulardan 5724 tasi qo‘shma korxona va 6195 tasi xorijiy korxonalar hisoblanadi.

2021 yilning 1 fevral holatiga, xorijiy kapital ishtirokida faoliyat ko‘rsatayotgan korxonalarning sohalar bo‘yicha soni:

• 
  Sanoat — 3981 ta;
  
• 
  Savdo — 3148 ta;
  
• 
  Qurilish — 966 ta;
  
• 
  Qishloq, o‘rmon va baliqchilik xo‘jaligi — 690 ta;
  
• 
  Yashash va ovqatlanish bo‘yicha xizmatlar — 507 ta;
  
• 
  Tashish va saqlash — 322 ta;
  
• 
  Axborot va aloqa — 321 ta;
  
• 
  Sog‘liqni saqlash va ijtimoiy xizmat ko‘rsatish — 174 ta.