Erkin iqtisodiy zona direktsiyasi davlat unitar korxonasi

ОГОҲЛАНТИРИШ ХАТИ


Ўзбекистон Республикаси Президентининг 2017 йил 3 майдаги ПФ-5032 фармонини ижросини таъминлаш мақсадида “Паркент-фарм” эркин иқтисодий зонаси ҳудудида инвестиция лойиҳасини амалга ошириш учун, Сиз раҳбарлик қилаётган "Renmin health care" МЧЖнинг “Тайёр дори воситаларини ишлаб чиқариш”ни ташкил этиш лойиҳаси Тошкент вилояти Эркин иқтисодий зоналар ва кичик саноат зоналари Маъмурий Кенгашининг 2018 йил 23 июндаги 16-сонли мажлис баёнига асосан маъқулланган эди.
Ҳозирги кунда, Сиз раҳбарлик қилаётган корхона ишга тушириш муддатидан анча ортда қолаётганлигига қарамай “Паркент-фарм” ЭИЗ ва Сиз (Инвестор) ўртасида тузилган инвестициялаш тўғрисидаги Битимда (кейинги ўринларда Битим деб юритилади) белгиланган шартларни тўлиқ бажарилмаётганлиги (Битимнинг7.1-7.1.3-7.1.5-7.1.6-7.1.7-7.2.2-7.2.3 бандлари) натижасида лойиҳанинг ўз вақтида ишга туширилмаслиги ва фаолият юритмаслиги эҳтимоллари юқорилиги, шунингдек Ўзбекистон Республикасининг 2020 йил 17 февралдаги 604-сонли Қонунининг 8-боб, 31-32-моддалари, Ер тўғрисидаги кодекснинг 34,36-моддаларига асосан самарали фойдаланилмаётган ер майдонларини мақбуллаштириш ёки инвестор томонидан жадал ишлар олиб борилмаган тақдирда Дирекция томонидан Маъмурий Кенгашга инвестиция лойиҳасини истиқболли лойиҳалар рўйҳатидан чиқариш бўйича тақдимнома киритилишига сабаб бўлиши мумкин.
Юқоридагиларни инобатга олиб “Паркент-фарм” ЭИЗД ДУК раҳбарияти Сиз амалга ошираётган инвестиция лойиҳаси жойлашган ҳудудда ишлаб чиқариш биноси, маъмурият биноси, асосий кириш дарвозаси олдида қурилиш ишларини зудлик билан қуриб битказишни амалга оширишингиз, ободонлаштириш ишларини зудлик билан бошлаб ишга тушириш даврига қадар якунлаш чоралари кўришингизни, олиб келинган асбоб-ускуналарни ўрнатиш-созлаш ишларини тўлиқ якунлашингизни, Битимда кўрсатилган маблағларни тўлиқ ўзлаштиришингизни ва бунинг натижасида яратиладиган иш ўринларига малакали ва тажрибали ишчи ходимларни тўлиқ қамраб олишингизни, битимда белгиланган мажбуриятларингизни тўлиқ ва сифатли амалга оширишингиз зарурлиги ҳақида ОГОҲЛАНТИРАДИ!