Erkin iqtisodiy zona direktsiyasi davlat unitar korxonasi

Директор Т.Ортиқов


Toshkent viloyati
Davlat soliq boshqarmasiga


Nusxa: Parkent tumani
Soliq inspeksiyasiga


O'zbekiston Respublikasi Prezidentining 2017-yil 3-maydagi PF-5032-sonli Farmoni, hamda O'zbekiston Respublikasi Vazirlar Mahkamasining 2017-yil 25-iyuldagi 542-sonli qarorlari ijrosini ta'minlash maqsadida Toshkent viloyati, Parkent tumanida ““Parkent-farm” erkin iqtisodiy zona (keyingi o’rinlarda EIZ deb yuritiladi) Direktsiyasi” DUK tashkil etilgan.
O'zbekiston Respublikasining 2020-yil 17-fevraldagi “Maxsus iqtisodiy zonalar to’g’risida”gi 604-sonli Qonunda MIZ to’g’risida umumiy tushunchalar keltirilgan bo’lib, Qonunning 3-bob, 9-moddasida Maxsus iqtisodiy zonalar turlari belgilab o’tilgan.
Shuningdek, ushbu Qonunning 6-bob, 24-moddasida “Maxsus(erkin) iqtisodiy zona direktsiyasi maxsus (erkin) iqtisodiy zonaning faoliyat ko’rsatishi va boshqarilishini ta’minlash uchun tashkil etiladigan Davlat unitar korxonasi shaklidagi yuridik shaxsdir” deb ko’rsatib o’tilgan.
““Parkent-farm” erkin iqtisodiy zona Direktsiyasi” DUKning faoliyat ko’rsatish shakli O'zbekiston Respublikasining 2020-yil 17-fevraldagi 604-sonli Qonunining 6-bob, 24-moddasida to’liq bayon etilganligi, hamda O'zbekiston Respublikasi Prezidentining 2017-yil 3-maydagi PF-5032-sonli Farmoni 10-bandi («Nukus-farm» EIZ, «Zomin-farm» EIZ, «Kosonsoy-farm» EIZ, «Sirdaryo-farm» EIZ, «Boysun-farm» EIZ, «Bo'stonliq-farm» EIZ va «Parkent-farm» EIZ direktsiyalari erkin iqtisodiy zonalarning butun faoliyat ko'rsatishi davrida soliqlar va davlat maqsadli jamg'armalariga majburiy ajratmalar to'lashdan ozod qilinsin) deb belgilanganligini inobatga olib, EIZ direktsiyasi rahbariyati Sizga EIZ direktsiyasi tadbirkorlik faoliyatini olib bormasligini, balki Maxsus iqtisodiy zonani rivojlantirish dasturiga asosan ish faoliyatini olib borishini, faoliyat ko'rsatish davrida soliqlar va davlat maqsadli jamg'armalariga majburiy ajratmalar to'lashdan ozod etilganligini ma’lum qiladi.