Эритма ёрдамчи электрофаол моддалик электролити индикатор билан бирга қуйилган ёрдамчи модданинг ўзи фон электролит вазифасини бажарса бошқа фан электролити қуйишга хожат қолмайди

Ўзгармас потенциалда кулонометрик титрлаш.
Кулонометрик титрлашда потенциостатик тартиб камроқ ишлатилади.
Потенциостатик тартибдаги кулонометрик титрлаш моддани ишчи электродда оксидланиш (қайтарилиш) потенциалига мос потенциалнинг ўзгармас қийматида масалан, платина ишчи электродда металл катионларини М^п+ қайтарилиш потенциалида бажарилади. Кулонометрик титрлаш реакцияси давомида, барча метал катионлари реакцияга батамом киришгунча потенциал доимий сақланади, кейин эритмада, потенциални таъминловчи метал катионлари қолмагани сабабли, электрод потенциали кескин камаяди.
Кулонометрик титрлашни қўлланиши.
Кулонометрик титрлашда титриметрик таҳлилни барча тур: кислота-асос чўктириш, оксидланиш-қайтарилиш, комплекс хосил бўлиш реакцияларини қўллаш мумкин.
Масалан, кислоталарни жуда оз миқдори (10^-4 – 10^-5 моль дм³) кулонометрик кислота-асос усулида, сувни электролизида катодда хосил бўладиган электро генерацияланган ОН-ионлари билан титрлаб аниқланади.
2Н₂О + 2е = 2ОН^- + Н₂ ↑

Сувни электролизида анодда электрогенерацияланган водород (Н⁺) ионлари билан асосларни титрланади.

2Н₂О - 4е = 4Н⁺ + О₂ ↑

Оксидланиш – қайтарилиш бромометрик кулонометрик титрлаш усулида мишьяк (III), сурма(III) йодидлар, гидразин, феноллар ва бошқа органик бирикмалар аниқланади. Титрант вазифасини анодда электрогенерацияланган бром бажаради.

2Br^- - 2e = Br₂

Чўктириш кулонометрик титрлаш усулида галогенид ионлар ва таркибида олтингугурт бўлган органик бирикмалар электргенерацияланган кумуш катионлари Аg⁺ билан, рух Zn² катионларини электргенерацияланган гексанитроферрат (II) билан титрлаш ва хоказо.

Металл катионларини комплексонометрик кулонометрик титрлашини катодда симоб (II) комплекнсонати электрогенерацияси натижасида олинган ЭДТА компиксон анионлари билан амалга ошириш мумкин.
Комплексонометрик титрлаш аниқлиги юқори, миқдорий таҳлилда қўллаш соҳаси кенг бўлиб, жуда оз миқдордаги моддаларни ҳам аниқлаш имкони бор. Модда хосил бўлиши жараёнидаёқ аниқлаш имкони борлиги сабабли беқарор моддаларни хам масалан Мис (I), кумуш (II), қалай (II), титан (III), марганец (III) хлор, бром ва бошқа беқарор моддаларни аниқлаш мумкин.
Титрант электролиз жараёнида узлуксиз хосил бўлиши ва дархол аниқланувчи модда билан реакцияга киришиб кетиши сабабли, титрант эритмасини тайёрлаш стандартлаш ва сақлаш эхтиёжи қолмаслиги усулнинг яна бир афзалликларидан биридир.
Қимматбахо ва нисбатан мураккаб ускуналардан фойдаланиш зарурати усулнинг камчилигидир.