Ёритиш электр

6.4. Кабелларни чўян муфталарда туташтириш ва тармоқлаш

Кабель линиясининг узунлиги айрим кабелнинг тайёрланиш узун–лигидан катта бўлган ҳолларда кабелларнинг ток ўтказувчи томирлари махсус кабел муфталарида бириктирилади. Узунлиги 1 км бўлган кабель линиясида кўпи билан олтита муфта қўйишга рухсат этилади.

Кабель муфтасидаги туташмаларга герметиклик, намликка чидамлилик, механик ва электр жиҳатдан мустаҳкамлик, шунингдек занглашга чидамлилик каби талаблар қўйилади.
Кабель муфталари қуйидаги классларга бўлинади: кучланиш бўйича (1кВ гача, 6, 10 ёки 35 кВ га мўлжалланган); ишлатилиши бўйича (туташтирадиган, тармоқлайдиган); ўлчамлари бўйича нормал ўлчамли ёки кичик ўлчамли); корпуснинг материали бўйича (Ч–чўян, С–қўрғошин, Э–эпоксид); тайёрланиш шаклига қараб (Оу–У–симон, От–Т–симон, Ок–хочсимон); ўрнатиладиган жойига қараб (ичкарида ёки ташқарида ўрнатиш учун); фазалар сонига қараб (уч фазали ёки тўрт фазали охирги) ва бошқа қатор аломатларга қараб.
Чўян муфталар ҳақида асосий маълумотлар. Чўян муфталарда кучланиши 1 кВ гача бўлган уч ва тўрт томирли кабелларни бириктириш ва тармоқлашга рухсат этилади.
Кабелларни бириктириш учун одатдагича тайёрланган СЧ_о типидаги (6.10–расм, а) ва кичик ўлчамли СЧм (6.10–расм, б) типидаги чўян муфталардан фойдаланилади. Пластмасса изоляцияли кабеллар учун СЧ_м муфталари ишлатилади.

6.10–расм. Кучланиши 1 кВ гача бўлган кабелларни туташтириш учун чўян муфталар:
а–СЧо типли, б–СЧм–типли, 1–муфта корпусининг устки ярми, 2–лабиринтли зичлаштириш, 3–кабель, 4–чинни кашак пластина, 5–муфта қуйиш тешигининг қопқоғи, 6–таранглаш больтлари, 7–ўрам, 8–муфта корпусининг пастки ярмининг пазидаги герметиклайдиган қистирма, 9–ерга улайдиган сим, 10–тутуштирувчи гильза, 11–қўйиладиган тешикнинг пробкаси, 12–хомутча, 13–қоғоз роликлар билан изоляцияловчи ўрам, 14–хомутчани маҳкамловчи болтлар.


Кабеллар О типидаги (6.11–расм) тармоқлаш чўян муфталари ёрдамида тармоқланади, бу муфталар қуйидаги турларда тайёрланади: О_т–Т–симон (6.11–расм, а), О_у–У–симон (6.11–расм, б), О_к–хоч–симон (6.11–расм, в).

6.11–расм. Кучланиши 1 кВ гача бўлган кабеллар учун чўяндан ишланган тармоқлаш муфталари:

а–ОТ (Т–симон қилиб тайёрлангани), б–Оу (У–симон қилиб тайёрлангани),
в–Ок(хочсимон қилиб тайёрлангани), 1–муфтанинг пастки ярми, 2–ерга улаш учун болт, 3–зичлаштирувчи қистирма, 4–қуйиладиган тешикнинг қопқоғи, 5–муфтанинг устки ярми, 6–резьбали пробка, 7–смолаланган тасма билан ўраш, 8–ерга улаш учун сим, 9–қоғоз ролик, 10–қоғоз лентадан ўрам.