Эргашходжаева ш. Д

6.4-расм. Интернет орқали тақдим этилувчи молиявий 
хизматларнинг ўзаро боғлиқлиги 
Интернетда молиявий хизматлар
Интернет орқали кўрсатилувчи хизматлар орасида молиявий 
хизматлар энг ривожланган бўлиб, улар асосан қуйидаги фаолият 
турлари ҳисобланади (6.4-расм): 

Интернет орқали банк хизматларини тақдим этиш; 

Интернет орқали валюта ва фонд бозорларида ишлаш бўйича 
хизматлар тақдим этиш; 

интернет-суғурта — суғурталаш хизматларини Интернет 
орқали тақдим этиш. 
Интернет-банкинг 
Интернет-трейдинг 
Интернет-суғурта 

---

103 
Молиявий хизматлар тўлақонли тизимининг биринчи даражали 
элементи банк хизматлари доираси ҳисобланади. У молиявий 
муносабатларнинг барча қатнашчилари томонидан назорат қилиш ва 
ҳисоб-китоб ўтказишни таъминлашга имкон беради. Бугунги кунда 
«банк-мижоз» тизимидан молиявий воситаларни Интернет орқали 
бошқаришга ўтишга тайѐр турган корпоратив фойдаланувчилар учун 
яққол афзалликлардан ташқари тизим хусуий фойдаланувчилар 
сўровларини ҳам қондириши лозим. Интернет орқали банк 
хизматлари кўрсатиш тизимини ўрнатган банкда ягона ҳисобрақами 
очгач, фойдаланувчи ўтирган жойида компьютер орқали Интернет 
хизматлари ва уяли алоқа таъминотчилари билан ҳисоб-китоб 
қилиши, коммунал хизматлар учун тўловларни амалга ошириши, 
виртуал дўконда маҳсулотлар харид қила олиши зарур. 
Тармоқдаги молиявий хизматлар тизимининг иккинчи элементи 
валюта ва фонд бозорларида ишлаш бўйича хизматлар тақдим 
этишдир. У барча хоҳловчиларга инвестиция компаниялари ва 
банклар билан бир қаторда туриб биржа майдончаларида савдода 
иштирок этишга имкон беради. Валюта ва фонд бозорларида 
чайқовчилик операцияларининг юқори даромадлилиги бутун дунѐ 
бўйлаб кўплаб кишиларни ўзига жалб этади ва уни Интернетда энг 
тез ривожланаѐтган соҳалардан бирига айлантиради.
Ва ниҳоят, учинчи элемент интернет-суғурта ҳисобланади. Бу 
турдаги хизматлар мижозга суғурта хизматлари классик тўплами, 
шунингдек, барча тўловлар Интернет орқали амалга оширилуви 
суғурта хизматларини тақдим этади.
Энди Интернет орқали кўрсатилувчи молиявий хизматлар 
бозори умумий ҳолати ва хусусиятларини батафсилроқ кўриб 
чиқамиз.