Эргашходжаева ш. Д

Инновацион маркетинг бу
– янги товарлар ѐки хизматлар 
яратиш, кенгайтириш ва қўллаб-қувватлашга йўналтирилган 
маркетинг технологиялари мажмуидир. 
Инновацион маркетинг технологияларининг ўзига хос хусусияти
шундаки, улар жисмоний жиҳатдан мавжуд бўлган маҳсулот билан 
эмас, балки унинг ишлаб чиқилаѐтган концепцияси билан 
ишлайдилар. Бу эса анъанавий маркетингдан фарқли равишда, 
маркетинг тадқиқотлари ўтказишда катта қийинчиликлар юзага 
келтиради. 
2.1-жадвал
Янги маҳсулотнинг муваффақият омиллари 
Муваффақият омили 
% 
Маҳсулотнинг бозор талабларига мослашганлиги 
Маҳсулотнинг фирма имкониятларига мувофиқлиги 
Маҳсулотнинг технологик устунликлари 
Янги маҳсулотларнинг фирма раҳбарияти томонидан қўллаб-
қувватланиши 
Янги моделлар танлашда баҳолаш жараѐнларидан фойдаланиш
Қулай рақобат муҳити 
Ташкилий тузилманинг янги маҳсулот ишлаб чиқиш вазифаларига 
мувофиқлиги 
8 
5
6 
2
5 
2
4 
Жадвал маълумотларидан келиб чиқадики, асосий муваффақият 
омили маҳсулотнинг бозор талабларига мослашганлиги ҳисобланади. 
Бу инновацион маркетингнинг асосий компетенцияси ҳисобланади. 
Инновацион маркетинг инновациялар бозори конъюнктурасини 
ўрганиш, инновацион лойиҳани бизнес-лойиҳалаштириш, уни амалга 
оширишдан тортиб инновацияларни бозорга ҳаракатлантириш, 
инновациялар диффузияси ва даромад олишгача бўлган бутун 
инновацион циклнинг тизимли интеграциясини ифодалайди. 

---

26 
Инновацион маркетинг объекти интеллектуал мулк, янги 
материаллар ва таркибий қисмлар, янги маҳсулотлар, янги жараѐнлар, 
янги бозорлар, товар ва хизматларни силжитиш янги усуллари, 
бошқарувнинг янгича ташкилий шакллари ҳисобланади.