Эргашходжаева ш. Д

 
Назорат ва мулоҳаза учун саволлар 
1. Инновация деганда нимани тушунасиз? 
2.Инновацияга турли олимлар берган таърифлари хусусида 
тўхталиб ўтинг. 
3. Инновацион маркетинг деганда нимани тушунасиз? 
4.Инновацияларнинг асосий функцияларига нималар киради? 
5. Корхоналарни инновацион ривожлантириш чора-тадбирларини 
амалга ошириш орқали нимага эришиш мумкин? 
6. Рақобат устунлигига эришишнинг қандай усуллари мавжуд?
7. Гиперрақобат маркетингнинг қандай стратегияларини ишлаб 
чиқишни талаб этади? 
8. Маркетинг инновацияларининг асосий босқичларини кўрсатиб 
ўтинг. 
9. Глобал маркетингнинг асосий мазмуни нимадан иборат? 
10. Ўзаро муносабатлар маркетинги деганда нимани тушунасиз? 

---

24 
2-БОБ. ИННОВАЦИОН МАРКЕТИНГ - ХЎЖАЛИК 
ЮРИТУВЧИ СУБЪЕКТЛАР САМАРАДОРЛИГИНИ 
ОШИРУВЧИ ВОСИТА СИФАТИДА 
 
2.1. Инновацион маркетингни ўзига хос хусусиятлари 
Янги технологияларнинг ривожланиши ва уларнинг асосида 
тамомила янги товар ва хизматлар турларини сотиш тезлиги шунга 
олиб келмоқдаки, бозордаги вазият ва истеъмолчиларнинг 
эҳтиѐжлари тобора ўзгармоқда. Истеъмолчи нимани, қаердан, қандай 
кўринишда ва қандай нархда сотиб олишни исташини айтмоқда. 
Маркетинг концепциясини тушунишга янгича ѐндашув яъни 
мақсадли гуруҳлар – стратегик бозор сегментидан потенциал 
мижозлар билан яқинроқ ишлашга асосланмоқда. Бозор тадқиқотлари 
ѐрдамида бир хил истеъмолчилар гуруҳларини ажратиб, стратегик 
сегментларни аниқлаган ҳолда, корхона сезиларли миқдорда 
маблағлар тежаб қолади ҳамда мавжуд ва потенциал мижозлар билан 
келгуси алоқаларда кўпроқ унумдорликка эришади. Танлаб олинган 
бозор секторлари билан фаол коммуникациялар истеъмолчиларнинг 
катта қисми эътиборини жалб қилишга имкон беради ва уларнинг 
аксарияти компания мижозларига айланади. Мана шу сабабдан XXI 
асрнинг 
бошларидан 
бошлаб 
турли 
тармоқларда 
бозор 
етакчиларининг кўпчилиги реклама, PR, тўғридан-тўғри сотувлар, 
ички фирма муносабатлари учун жавоб берадиган бўлимларни 
бирлашган коммуникация хизматларига бирлаштириши рўй берди. 
Интеграцияланган маркетинг коммуникацияларидан фойдаланувчи 
компаниялар сони ўсмоқда. 
Инновацион фаолият йўналишлари энг аввало, ишлаб 
чиқаришни такомиллаштириш вазифалари ва имкониятлари билан 
эмас, балки истеъмолчиларнинг янги маҳсулот тавсифномалари 
борасида нималарни афзал кўришини ўрганиш натижалари билан 
белгиланиши лозим. Янги маҳсулот ишлаб чиқаришни ўзлаштиришда 
ушбу маҳсулотни лабораторияда синаб кўришга эмас, балки бозорда 
текшириб кўришга кўпроқ эътибор қаратиш керак. Янги маҳсулотлар 

---

25 
ишлаб чиқиш билан шуғулланувчи мутахассислар ўртасида 
ўтказилган сўровлар янги маҳсулот муваффақиятининг қуйидаги 
омилларини аниқлаб берди (2.1-жадвал).