Енгил саноат ва кимё-технологиялари

Нормаматов Н.Д.

Ислом Каримов номидаги Тошкент давлат техника университети Термиз филиали енгил саноат ва кимё-технологиялари факультети Кимёвий ва озиқ-овқат технологияси кафедраси 5321000-озиқ-овқат технологияси (дон маҳсулотлари) таълим йўналиши 4-курс талабаси Эшқувватов Мансур Бахтиярович томонидан бўйича бакалавр даражасини олиш учун “Қуввати 300 т/суткасига буғдойни қайта ишлаш заводининг дон тозалаш бўлими сехини лойихалаш” мавзусида бажарган битирув малакавий ишига

Т А Қ Р И З
Президентимиз И.А.Каримов ўзининг “Ўзбекистон XXI аср бўсағасида” асарида зарарсиз ва чиқиндисиз янги технологияларни яратиш, халқнинг турмуш даражасини ошириш ва халқ хўжалиги эҳтиёжларини қондириш мақсадида саноатни ривожлантириш муаммоларига эътибор берди. Биргина саноат маҳсулотларини маҳаллийлаштириш ва экспорт салоҳиятини ошириш борасида чиқарилган қарорлар фикримиз далилидир. Ўз-ўзидан саноат ривожланиши билан саноатда камёб, тарқоқ ва нодир металларни ишлаб чиқариш ҳам долзарб муаммо бўлиб қолади. Ўзбекистон Республикаси президентининг ташаббуси билан 2009-2013 йиллар Сурхондарё вилоятида кенг қамровли бунёдкорлик ишлари амалга оширилди.
Биргина қишлоқ хўжалиги ходимлари, фермер ва деҳқон хўжаликларининг бошоқли дон экинлари етиштириш борасидаги ишлари таҳсинга сазовордир. Ишлаб чиқариш корхоналари томонидан донни қайта ишлаш соҳасида хорижий технологиялар жорий этилмоқда.
Битирувчи М. Эшқувватовнинг битирув малакавий иши “Қуввати 300 т/суткасига буғдойни қайта ишлаш заводининг дон тозалаш бўлими сехини лойихалаш” мавзусида бажарилган бўлиб, мазкур тадқиқот йўналишида бир қанча ишлар амалга оширилган бўлиб, ҳозирда олинган натижаларни таҳлил қилиш ва янада самарадорликни ошириш ҳамда ишлаб чиқаришга тавсия этиш режалаштирмоқда. Битирув малакавий иши 39 бет компьютерда саҳифаланган матндан иборат бўлиб, у амалдаги Низомлар талабларига мувофиқ тайёрланган.
Чиқарилган хулоса ва тавсиялар илмий жиҳатдан тўғри ва етарли даллиларга асосланган. М. Эшқувватов ўз ишида қўйилган мақсад ва вазифаларни тўлиқ бажарган.
Малакавий иш қуйидаги камчиликларга эга:

1. 
   Донни қайта ишлаш технологияларининг афзалликлари ва камчиликлари тўлиқ таҳлил қилинмаган.
   
2. 
   Формулаларни ёзишда хатоликлар мавжуд.
   

Ушбу хатоликларни тўғрилаш мумкин ва ишнинг сифатига таъсир қилмайди.
Шуни ҳисобга олиб, М. Эшқувватовнинг битирув малакавий иши “Қуввати 300 т/суткасига буғдойни қайта ишлаш заводининг дон тозалаш бўлими сехини лойихалаш” мавзусидаги битирув малакавий ишини Низом талабларига тўлиқ жавоб беришини, унинг билими ва малакаси қўйилган муаммоларни мустақил ҳал қилишга етарли эканлигига асосланиб, битирувчининг малакавий ишини давлат аттестация комиссиясида ҳимоя қилиш мумкин деб ҳисоблайман.

Тақризчи: