Energetik audit

TESTO 340 GAZ ANALIZATORINING TUZILIShI VA IShLASh PRINSIPINI O’RGANISh

1. 
   Ishning maqsadi.
   

1. 
   Talabalarni asbobning tuzilishi va ishlash prinsipi bilan tanishtirish;
   
2. 
   Uning funksional imkoniyatlari va xarakteristikalarini o’rganish;
   

2. 
   Umumiy ma’lumotlar.
   

Atmosferaga ifloslantiruvchi moddalar doimiy ravishda ajratib chiqarilayotgan bir sharoitda, shuningdek atrof muhitni muhofaza qilish bo’yicha ko’p sonli direktivalar va qarorlarni hisobga oladigan bo’lsak, is gazlarining parametrlarini muntazam ravishda o’lchash va ajratmalarni nazorat qilish tobora muhim ahamiyat kasb etmoqda. O’lchashlarni o’tkazish tufayli energoresurslardan samarali foydalanish, shuningdek yoqilg’ilarni yoqish tizimlarini ekspluatasiya qilish natijasida ajralib chiqadigan sanoat ajratmalarini qisqartirish ta’minlanadi.
^{Yoqilg’i yonganda is gazlari hosil bo’ladi, ular boshqalar bilan bir qatorda CO}2 ^{ni, oksidlar va} chang zarrachalarini o’z ichiga oladi. Bu moddalarning barchasi atrof-muhitni ifloslantiradi, iqlimga salbiy ta’sir ko’rsatadi va inson salomatligi uchun xavf tug’diradi, xususan, bir qator kasalliklarning kelib chiqishiga sabab bo’ladi. Shu sababli yoqilg’ini yoqish qurilmalarida yonish jarayonlarini optimallashtirish o’ta dolzarb ahamiyat kasb etadi. Shu tariqa issiqlik jarayonlarining samaradorligi ta’minlanadi va eng muhimi – ajratmalar miqdori qisqaradi.
Gazni tahlil qilish – bu uning natijasida gaz aralashmalarining sifat va miqdoriy tarkibi aniqlanadigan jarayondir.
Gaz analizatori – bu gaz aralashmalarining miqdoriy va sifat tarkibini o’lchash uchun mo’ljallangan maxsus asbobdir.
Gaz aralashmalarini tahlil qilishdan sanoatning kimyo, metallurgiya va issiqlikni generasiyalash sohalaridagi turli xil texnologik jarayonlarda keng foydalaniladi. Gaz analizatorlari yordamida koks va domna gazlaridagi, qozonxona qurilmalaridan chiqayotgan gazlardagi, shuningdek avtomobillardan chiqayotgan gazlardagi turli-tuman tarkibiy qismlar aniqlanadi. Ma’lum bir tarkibiy qismlarning tahlil qilish natijasida olingan miqdori to’g’risidagi ma’lumotlardan jarayonni optimallashtirish yoki qurilmaning ishlashini to’g’ri yo’lga qo’yish maqsadida jarayonning borishini boshqarish uchun foydalaniladi.
Testo 340 gaz analizatorining qo’llanilish sohasi:

• 
  Sanoat pechlari va qozonxona qurilmalari, gorelkalar(yoqgichlar);
  

• 
  Stasionar (qo’zg’almas) sanoat dvigatellari;
  

• 
  Gaz turbinalari;
  

• 
  Issiqlik jarayonlari.
  

Masalan, ishlab chiqarish xonalarining havosida moddalarning portlash xavfi bo’lgan konsentrasiyasi mavjud bo’lishi mumkin. Ularni gaz analizatori yordamida o’z vaqtida aniqlash juda muhim bo’lib hisoblanadi. Bu oldindan aytib bo’lmaydigan oqibatlarga olib kelishi mumkin bo’lgan texnogen avariyalarning oldini olish imkonini beradi.