Эндокрин тизим морфофункционал тавсифи ва таснифи

ПЕРИФЕРИК ЭНДОКРИН БЕЗЛАР.
Қалқонсимон без.
Без стромаси капсула ва тўсиқлари сийрак толали бириктирувчи тўқимадан иборат, паренхима эса - тиреоид фолликулалар ва фолликулалараро оролчалардан иборат. Фолликулалар безнинг структура функционал бирлиги ҳисобланади.
Қалқонсимон без фолликулалари думалоқ ёки колбалсимон қопчалар шаклида бўлиб, унинг девори бир қават ҳужайралар тиреоцитлардан иборат. Тиреоцитлар фолликул ташқарисидаги базал мембранада ётади.
Фолликул деворида парафолликуляр ҳужайралар (С хужайралар) ҳам бор.
Фолликул бўшлиғи коллоид билан тўлган, коллоид тиреоглобулиндан иборат. Тиреоцитлар трийодтиронин ва тироксин (тетрайодтиронин) ишлаб чиқаради. Тиреоцитлардаги секретор жараён бошқа эндокриноцитлардан фарқ қилади. Бу жараён икки босқичда кечади:
1.Фолликул бўшлиғига ўзида йод тутувчи коллоид модда тўпланади.
2. Коллоид модда тўпланади (тиреоглобулин), тиреоцитларга сўрилади, лизосомалар, иштирокида парчаланади, йодтирозинлар ҳосил бўлади, улардан фаол гормонлар три- ва тетрайодтирозинлар ҳосил бўлади. Улар тироцитларнинг базал томонидан қонгa ўтиб фаолият кўрсатадилар. Парафолликуляр ҳужайралар (С хужайралар).
Фолликул деворида жойлашади, аммо уларнинг апикал қисмлари фолликул бўшлиғига етиб бормайди, бу ҳужайралар кальцитонин, соматастатин ва серотонин ишлаб чиқаради. Кальцитонин, соматастатин ва серотонин ишлаб чиқаради. Кальцитонин – қонда кальций миқорини камайтиради.
Парафолликуляр ҳужайралар АПУД системага киради.


Ривожланиш манбаи:
Тироцитлар - ютқин - ичак эпителийси 1 ва 2 жабра чўнтаклари қаршисидаги эпителийнинг вентрал ўсиғидан, парафолликуляр ҳужайралар 5 жабра чўнтаги эпителийсидан, капсула ва тўсиқлар - мезенхимадан ривожланади.
Янги туғилган чақалоқларда қалқонсимон без шаклланган, лекин фолликулалар сони кам ва улардаги ҳужайралар кубсимон шаклда бўлади. Биринчи ёш давомида фолликулаллар тузилиши ва сонига кўра дескваматив оралиқ ва фолликуляр типдаги безлар фарқ қилади. Кейинчалик без асосан фолликуляр типда бўлиб, қарилик чоғида безда ўзгаришлар бўлади, бириктирувчи тўқимада кўпайиб, фолликуллалар камаяди.