Elektrotexnika va elektronika asoslari

Hisob-grafik ishlarining taxminiy tavsiya etiladigan mavzulari
1. “O‘zgarmas tok elektr zanjirlarini hisoblash”.

Hisob-grafik ishida topshiriq asosida o‘zgarmas tok elektr zanjirini tashkil etuvchi elementlardan o‘tuvchi toklar, ulardagi kuchlanishlar va quvvatlar hisoblanadi. Quvvat balansi tekshiriladi.

Hisoblash klassik usulda amalga oshiriladi va kontur toklar usuli bilan hisoblanib, natijalar taqqoslanadi yoki aksincha, kontur toklar usuli bilan hisoblanib, klassik usulda tekshirib ko‘riladi.
2. “Bir fazali o‘zgaruvchan tok elektr zanjirlarini hisoblash”.

Hisob-grafik ishida topshiriq asosida bir fazali o‘zgaruvchan tok elektr zanjirini tashkil etuvchi elementlardan o‘tuvchi toklar, ulardagi kuchlanishlar va quvvatlar hisoblanadi. Quvvat balansi tekshiriladi. Kuchlanish va toklarning vektor diagrammalari chiziladi.

3.“Uch fazali o‘zgaruvchan tok elektr zanjirlarini hisoblash”.

Hisob-grafik ishida topshiriq asosida uch fazali o‘zgaruvchan tok elektr zanjirini tashkil etuvchi elementlardan o‘tuvchi liniya va faza toklari, ulardagi kuchlanishlar va quvvatlar hisoblanadi. Quvvat balansi tekshiriladi. Kuchlanish va toklarning vektor diagrammalari “yulduz” va “uchburchak” ulangan iste’molchilar sxemalari uchun alohida va birgalikda chiziladi.

4. “Asinxron motor rejimlarini hisoblash”.

Hisob-grafik ishida topshiriq asosida asinxron motorning ishga tushirish va tormozlash rejimlari parametrlari hisoblanadi va mexanik xarakteristikalari quriladi.

5. “O‘zgaruvchan tok to‘g‘rilagichlarini hisoblash”.

Hisob-grafik ishida topshiriq asosida bir fazali o‘zgaruvchan tok to‘g‘rilagichi sxemasi tanlanadi va uning parametrlari hisoblanadi.