Elektroradio ashyolar va tibbiyot texnikasini

Texnik sof temir. Texnik sof temir tarkibiga minimal qo‘shim-
chalardan 0,05% uglerod kiradi. Texnik sof temir ancha arzon va
texnologik material hisoblanadi; u yaxshi shtamplanadi va metall
kesuvchi  stanoklarda  yaxshi  qayta  ishlanadi.  Temir  o‘zgarmas
maydonda yuqori magnit xossalarga ega. Temirning solishtirma
elektr qarshiligi kichik bo‘lganligi sababli faqat o‘zgarmas magnit
maydonida ishlashga mo‘ljallangan mahsulotlar yasashda ishlati-
ladi.  Temirning  magnit  xossalariga  yo‘qotish  qiyin  bo‘lgan
kiritmalar  katta  ta’sir  ko‘rsatadi.  Bu  kiritmalar  vakuumda  bir
necha marta qayta eritish yo‘li bilan yo‘qotiladi. Uglerod, kislorod,
oltingugurtlar  eng  yomon  kiritmalar  hisoblanadi.
Temirning  magnit  xossalariga  kimyoviy  tarkibidan  tashqari
urug‘ o‘lchamlari ham katta ta’sir ko‘rsatadi. Birlik hajmda urug‘lar
soni qancha kam bo‘lsa, uning magnit xossalari shuncha yuqori
bo‘ladi. Texnik sof temirning solishtirma elektr qarshiligi kichikligi
tufayli u juda kam ishlatiladi, asosan, o‘zgarmas magnit oqimili
magnit  simlar  yasashda  qo‘llaniladi.  Odatda,  texnik  sof  temir
cho‘yan marten pechlarida yoki konvertorlarda rafinadlash yo‘li
bilan olinadi. Undagi natijaviy kiritmalar miqdori 0,08—0,1 % ni
tashkil  etadi.  Chet  elda  bu  material  «armkotemir»  nomi  bilan
mashhur.