Elektroradio ashyolar va tibbiyot texnikasini

1.2. Elektroradio ashyolarning issiqlik
tavsifnomasi
Qattiq  jismlarning  qattiq  holatdan  suyuq  holatga  o‘tish  ja-
rayoni erish deyiladi. Erish jarayonida qattiq jism kristall panjarasi
parchalanadi. Erish, ma’lum erish temperaturasida sodir bo‘ladi.
Ko‘pgina  qattiq  jismlarda  erish  jarayoni  ular  hajmining  ortishi
bilan kechadi.
Moddaning  suyuq  holatdan  qattiq  kristall  holatiga  o‘tishi
kristallashish (qotish) deb ataladi. Barcha sof kimyoviy suyuqliklar
uchun bu jarayon o‘zgarmas kristallashish temperaturasida sodir
bo‘ladi,  u  esa  o‘z navbatida  erish  temperaturasiga  son  jihatdan
teng bo‘ladi.
Amorf  materiallarda  (shisha,  smola  va  boshqalar)  keskin
ko‘rinishdagi  erish  temperaturasi  mavjud  emas,  balki  yumshash
darajasi mavjuddir. Yumshash darajasi turli sharoitlarda turlicha
aniqlanadi.  Mahsulotlarning temperaturasi  yumshash  darajasiga
yaqinlashgach  ularning  mexanik  mustahkamligi  kamayadi  va
natijada ular deformatsiyalanadilar.