Elektronnıń zaryadın Milliken usılınıń járdeminde anıqlaw Jumıstıń maqseti

2-shınıǵıw. Qozǵalıwshı tamshı usılı (Falling/rising method).
1. "Ólshewshi dúzilisti jumısqa tayarlaw" bóliminiń barlıq kórsetpelerin orınlańız.
2. Komp'yuterdi iske qosıńız, CASSY Lab 2 programmasın iske túsirińiz, "D:\Eksperimentı\P6124.labx" faylın ashıńız, "CASSYs" aynasın jabıńız.
3. Basqa studentler tárepinen burın orınlanǵan ólshewlerdiń nátiyjelerin óshirińiz (joq qılıw). Bunday maqsette "Mesurement" (Ólshew) menyuinde "Delete current measurement series" (Ótkerilgen ólshewlerdiń seriyasın joq qılıw) opciyasın aktivlestiriw kerek.
4. Fayldı sırtqı este saqlawshı dúziliste óziniń ataması menen saqlap qalıńız (bunnan keyin tek sol fayl menen is alıp barıladı).
5. U kernewin Milliken kamerasına túsirińiz (7-basqarıw blogındaǵı 13-tumblerdi "On" awhalına qoyıńız).
6. Taymerdiń tumblerin (14) "Off" awhalına ótkerińiz (tumblerdi óshirińiz).
7. 12-potenciometrdiń tutqasın 500 V kernewge qoyıńız.
8. Baqlaw ushın ekrannıń tómengi bólimindegi tamshını saylap alıńız (0 belgisinen tómende 10-20 bólimler arasındaǵı). Bunnan keyin kondensatordaǵı kernewdi ástelik penen ózgertiw arqalı (basqarıw pul'tındaǵı 12-tutqa) tamshınıń mikroskoptıń shkalası boyınsha sekundına 1-2 bólimge tómenge qaray túsiwin júzege keltirińiz (bunday jaǵdayda haqıyqatında tamshı joqarıǵa qaray kóteriledi).
9. 12-tumblerdiń járdeminde kameranıń kondensatorındaǵı kernewdi óshirińiz. Ekranda tamshı joqarıǵa qaray qozǵalıp baratırǵanday bolıp kórinedi (haqıyqatında tómenge karay qozǵaladı).
10. Baqlaw ushın saylap alınǵan tamshınıń baslanǵısh koordinatasınıń mánisin jazıp alıńız hám 14-tumblerdiń járdeminde t_1 waqıtın ólshewdi baslańız.
11. Tamshınıń 20 bólimge kóteriliwin kútińiz (bul dáslepki biyiklikten 1 mm ge túsiwge sáykes keledi).
12. Oaqıttı ótkizbey kondensatorǵa jáne kernew túsirińiz (bul 13-tumblerdi qosıw arqalı ámelge asırıladı). Eksperimentallıq tamshı keri baǵıtta qozǵala baslaydı (yaǵnıy kóterile baslaydı). Taymer avtomat túrde tamshınıń kóteriliw waqıtı t_2 ni esaplay baslaydı.
13. Tamshı 20 bólimge orın almastırǵanda (yaǵnıy óziniń dáslepki ornına jetkende) 14-tumblerdiń járdeminde taymerdi óshirińiz.
14. "F9" klavıshınıń járdeminde t_1, t_2 hám U shamaların eksperimentallıq maǵlıwmatlar kestesine berińiz.
15. Komp'yuter siziń faylıńızdıń gistogrammasında q dıń mánisin dárhál beredi.
16. Ólshewlerdi basqa tamshılar ushın 5-15 ret qaytalańız (barlıq ólshewler sanı 30 dan kem emes)
17. Basqarıw pul'tındaǵı 12-tutqanı shep táreptegi eń shetki awhalǵa burıńız. Basqarıw pul'tindegi 13- hám 14-tumblerlerdi "Off" awhalına alıp kelińiz.
18. Dúzilisti óshirińiz.