Elektronika va avtomatika” fakulteti “ishlab chiqarish jarayonlarini avtomatlashtirish” kafedrasi

Термокимиёвий газ анализаторлари ва уларнинг ишлаш приципи. Бу газ анализаторларининг ишлаши кислороднинг бошқа газлар билан катализаторлар иштирокида ўтадиган реакциясининг иссиқлик эффектини ўлчашга асосланган. Бу асбобларнинг икки группаси кенг тарқалган.
Бу асбобларнинг биринчи группасида ёниш каталитик актив бўлган платина толада содир бўлади, бу тола айни бир вақтда сезгир элемент – ўлчаш кўпригининг елкаси ҳисобланади. Бу группадаги асбобларда анализ қилиш аниқланадиган компо­нент ёнганида температуранинг ортишини ўлчашга асосланган.
Иккинчи группа асбобларда оксидланиш реакцияси ка­тализатор қатламида содир бўлади, реакциянинг иссиқлик эффекти эса қаршилик термометри ёки шу катализаторда жойлаштирилган термобата­рея билан ўлчанади.
Биринчи группа термокимёвий газ анализаторларининг принципиал схемаси расмда келтирилган. Газ анализаторининг ўлчаш схемаси ўзгармас ёки ўзгарувчан токда ишлайдиган мувозанатлашмаган кўприкдан иборат. Иш ячайкаси деб юритиладиган оқим ўлчаш ячейкаси кўприкнинг битта елкаси ни ҳосил қилади. Кўприкнинг R₂ елкасини ҳосил қиладиган таққослаш ячейкаси ўз параметрлари ва конструкцияси жиҳатидан иш ячейкасига эквивалент бўлиб, ҳаво тўлдирилган бўлади. Кўприкнинг R₃, R₄ елкалари ўзгармас қаршиликлар бўлиб, улар манганиндан тайёрланган. Қўприкли схеманинг но­ли реостат R₅ билан қўйилади. Анализ қилинаётган компонентнинг ёнишида температуранинг ортиши билан платина толаси электр қаршилигининг ўзгариши ўлчаш кўприги мувозанатининг бузилишига олиб келади. Мувозанат бузилгандаги ток кучи газ аралашмасидаги компонент миқдорига пропорционал бўлади. Ўлчаш асбоби анализ — назорат переключа­тели ёрдамида схемага киритилган махсус ўзгармас резисторга уланади ва асбобнинг стрелкаси реостат билан талаб этилган репер нуқтага қўйилади. Милливольтметрнинг шкаласида платина толасини қиздирадиган, турли компонентларни анализ қилиш учун зарур бўлган ток кучини қўядиган учта ре­пер нуқта бор.

Термокимёвий газ анализаторининг ўлчаш схемаси.

Бу типдаги асбоблар асосан ҳаводаги ёнувчи (метан, бензин буғлари ва ҳ.) газларнинг портлаш хавфини юзага келтирадиган концентрациясининг индикаторлари ва анализаторлари сифатида ишлатилади. Улар кўпинча кўчма (кўтариб юрадиган) типда чиқарилади. Ўлчаш хатолиги тахминан ±10%.

Саноат бинолари хоналари ҳавосининг ёнувчи газлар билан ифлосланишини автоматик назорат қилиш учун ёнувчи газларга мўлжалланган СГС типидаги, метанга мўлжалланган CMC типидаги, бензинга мўлжалланган ГПБ типидаги ва бошқа сигнализаторлар чиқарилади.