Elektronika va asbobsozlik

IBOB.INVERTORLАRNING MАVJUD USUL VА QURILMАLАRINING TАXLILI.
Koʼchma radioelektronika apparaturalarini elektr energiyasi bilan
taʼminlashda birlamchi elektr energiyasi sifatida kichik kuchlanishli oʼzgarmas tok manbalari (galьvanik elementlar, akkumulyatorlar, termogeneratorlar, quyosh va atom batereyalari) ishlatiladi. Turli xildagi radioelektronika apparaturalarining elektr taʼminoti uchun esa turli nominaldagi oʼzgarmas va oʼzgaruvchan kuchlanishlar zarur boʼladi. Shuning uchun bir nominaldagi oʼzgaruvchan yoki oʼzgarmas kuchlanishni ikkinchi nominaldagi oʼzgaruvchan yoki oʼzgarmas kuchlanishga oʼzgartirish talab qilinadi. Bu vazifani oʼzgartirgichlar bajaradi [4].
Oʼzgartirgichlar elektr taʼminot manbai kuchlanishini apparaturalar alohida qismlarini elektr taʼminoti uchun talab qilingan turdagi va nominaldagi kuchlanishlarga oʼzgartirib berish uchun xizmat qiladi
Oʼzgartirgichlar ikki turga boʼlinadi. Oʼzgarmas tok energiyasini oʼzgaruvchan tok energiyasiga oʼzgartirib beruvchi oʼzgartirgichlar invertorlar deyiladi va oʼzgartirish jarayoni invertorlashdan iborat boʼladi.
Аgar oʼzgartirgich chiqishida oʼzgarmas kuchlanish olinishi talab qilinsa, u holda invertordan keyin toʼgʼrilagich va filьtr qoʼyiladi. Bunday bir kuchlanishli oʼzgarmas tok energiyasini boshqa kuchlanishli oʼzgarmas tok energiyasiga oʼzgartiruvchi oʼzgartirgich konvertor deyiladi va oʼzgartirish jarayoni konvertorlashdan iborat boʼladi.