Elektronika va asbobsozlik

VS1 tiristorga navbatdagi ochuvchi impuls byerilganda sxema dastlabki holatiga qaytadi va yuqoridagi jarayon takrorlanadi.

1.11-rasm. Ikki taktli tiristorli invyertorning sxemasi


Tiristorlarning navbatma-navbat ochilishi natijasida transformatorning birlamchi yarim cho‘lg‘amlarida toklar davriy ravishda o‘zgaradi va ikkilamchi cho‘lg‘amda o‘zgaruvchan tok vujudga keladi. L1 drossel ta’minot manbai tokini har ikkala tiristorlar ochiq bo‘ladigan qisqa vaqt oralig‘ida ta’minot manbai tokini cheklab turadi.
Kommutasiya momentida, tiristorlardan biri ochiq, ikkinchisi esa induktivlikning razryadlanish toki o‘tkazayotgan vaqtda yuklama induktivligida va reaktiv kommutasion elementlarda yig‘ilgan reaktiv quvvatni VD1 va VD2 diodlar U0 ta’minot manbai tomoniga o‘tkazib yuborish uchun xizmat qiladi.
Ikki taktli ko‘priksimon invyertor sxemasi 1.12-rasmda keltirilgan. Birinchi yarim davrda boshqaruvchi kuchlanish musbat impulslari bir vaqtning o‘zida VS1 va VS2 tiristorlarga byeriladi. Tiristorlar ochiladi va ular orqali T1 transformatorning birlamchi cho‘lg‘amiga tok oqib o‘tadi. Bu vaqtda S1 kondensator ta’minot manbaining U0 kuchlanishigacha zaryadlanadi.
Boshqaruvchi kuchlanishning ikkinchi yarim davrida impulslar VS2 va VS3 tiristorlarga byeriladi va ular ochiladi. Ammo bu vaqtda S1 kondensatordan musbat potensial VS1 tiristor katodiga byeriladi va u yopiladi. VS4 tiristor anodiga esa S1 kondensatordan manfiy potensial byeriladi va u ham yopiladi.