Elektron raqamli imzo (eri) imzolanayotgan hujjat oxiriga yoki alohida faylga joylashtiriladigan baytlar ketma-ketligi ko‘rinishiga egadir

Elektron raqamli imzo (ERI) imzolanayotgan hujjat oxiriga yoki alohida faylga joylashtiriladigan baytlar ketma-ketligi ko‘rinishiga egadir. ERI hujjat mazmuni, maxfiy kalit va hujjatni imzolayotgan shaxsning paroli asosida shakllantiriladi. Har bir maxfiy kalitning imzosini tekshirish uchun ochiq kalit yaratiladi. Elektron raqamli imzo telekommunikatsiya kanallari bo‘yicha uzatilayotgan matnlarni autentifikatsiyalash uchun ishlatiladi. Funksiyasi jihatidan u oddiy qo‘lyozma imzosiga o‘xshashdir va uning asosiy afzalliklariga egadir:  imzolangan matn imzo qo‘ygan shaxsdan kelayotganini tasdiqlaydi;  shu shaxsning o‘ziga imzolangan matn bilan bog‘langan majburiyatni inkor qilishga yo‘l qo‘ymaydi;  imzolangan matnni butunligini kafolatlaydi: Imzoni qo‘yish jarayonida xabarni yuboruvchining maxfiy kaliti ishlatiladi, imzoni tekshirish jarayonida esa yuboruvchining ochiq kaliti ishlatiladi. ERI ni shakllantirishda yuboruvchi eng avvalo imzolanayotgan M matnning XESH-funksiyasini h(M) hisoblaydi. XESH-funk-siyaning h(M) hisoblangan qiymati barcha M matnni yaxlitligicha xarakterlovchi bitta qisqa axborot bloki m ko‘rinishiga egadir. Keyin m soni yuboruvchining maxfiy kaliti bilan shifrlanadi. Bunda olinadigan sonlar juftligi ushbu M matn uchun ERI ko‘rinishiga egadir.