Электрон почта ва унинг имкониятлари

2. Электрон почта имкониятлари

Электрон почта (ЭП) орқали фақат матнларни эмас, балки расм, графика, видео, товушлардан ташкил топган маълумотларни ҳам жўнатиш ва қабул қилиш имконияти пайдо бўлади. ЭП орқали олинган файлларни дискетларга ёзиб олиш, винчестерда сақлаш ва у билан бошқа файллар устида бажариладиган таҳрир қилиш, нусха олиш ва бошқа амалларни амалга ошириш мумкин. Агар инглиз тилида ёзилган адабиёт ва журналларни ўқимоқчи бўлсангиз ва инглиз тилини билмасангиз сизга ёрдамчи таржимон дастурлардан фойдаланишни маслаҳат берамиз. Бунинг учун, аввало, бу файлни компьютернинг қаттиқ дискига ёки дискетага кўчириб олиш ва Styles, Socrat, Promt 98 ёки бошқа бирор таржимон дастурлар ёрдамида рус тилига таржима қилишингиз мумкин. Кейинчалик ўзбек тилига таржима қиладиган дастурлар ҳам албатта пайдо бўлади.

ЭП - универсал алоқа воситаси. ЭП нинг бир хил буйруқлари орқали матн, ҳар хил форматдаги ҳужжатларни, умуман ихтиёрий файлларни жўнатиш ва қабул қилиб олиш имконияти мавжудлиги унинг универсал алоқа воситаси эканлигини билдиради.

ЭП ни етказиш тезлиги. ЭП жўнатилганидан сўнг бир зумда (1-5) минут ичида ёки бир соат, баъзан ундан ҳам кўпроқ вақт орасида манзилга етиб боради. Бундан кўринадики, у экспресс почта ва HDL почта деб аталувчи почталардан ҳам керакли манзилга тез етиб боради. Унинг манзилга етиб бориши учун баъзан кўплаб алоқа бўлимини ўтиб боришига тўғри келади.
Мисол учун сиз хатни Нью-Йоркка жўнатсангиз у бир қанча алоқа бўлимларидан Тошкент, Англия, Германия ёки бошқа мамлакатлар орқали ўтиб бориши мумкин. Унинг қандай йўллардан ўтиб келганлиги хатнинг бош қисмида ўз аксини топган бўлади. Электрон почта тез муҳокама воситаси.
Бирор лойиҳани узоқдаги ўз ҳамкорларингиз билан ёки бир гуруҳ шахслар билан муҳокама қилмоқчи бўлсангиз уни тез муҳокама қилиш имконияти мавжуд. Бу эса хизматнинг бутунлай янги бир туридир. Ҳозир шу тарзда турли грантларга талабнома юбориш ва улар билан лойиҳанинг икир - чикирларини муҳокама қилиш орқали амалга оширилади.