Elektron hukumat

Qonunning kuchga kirishi orqali quyidagi natijalarga erishiladi: Birinchidan, mamlakatimizda "Elektron xukumat” tizimini joriy etish va rivojlantirishning qonuniy asoslari yaratilib, ushbu tizimni shakllantirish, to‘laqonli ishlashini ta’minlash va tizimli rivojlantirishga zamin yaratiladi;

Ikkinchidan, mamlakatimizda demokratik isloxotlarni yanada chuqurlashtirish va fuqarolik jamiyatini rivojlantirish konsepsiyasida belgilab berilgan demokratik bozor isloxotlarini yanada chuqurlashtirish ortiqcha ruxsatnoma va ruxsat berish tartib-qoidalarining yangi turlari kiritilishini qonun bilan taqiqlash, tadbirkorlik faoliyati erkinligini kafolatlash kabi vazifalar ijrosi ta’minlanishiga asos bo‘ladi;

Uchinchidan, davlat xokimiyati va boshqaruvi organlari faoliyatining samaradorligi, jumladan boshqaruv va ma’muriy ish unumdorligi oshib, ularning jamiyat oldidagi xisobdorligi, ochiqligi ta’minlanadi. Pirovardida xalqning davlat organlariga ishonchi yanada ortadi.

To‘rtinchidan, aholi va tadbirkorlik sub’ektlari uchun davlat xizmatlari sifati va ulardan foydalanish qulayliklari oshadi. Binobarin, davlat organlari faoliyatiga innovatsiya g‘oyalari izchil joriy qilinadi, biznes soxasi, xujjat aylanish mexanizmlari takomillashtiriladi, fuqarolarga uyi yoki ish xonasidan turib elektron shaklda murojaat qilish, ma’lumotnoma va boshqa xujjatlarni olish yoki tadbirkorlik faoliyatini tashkil qilish imkoniyatini beradigan interaktiv xizmatlar ko‘rsatilishini ta’minlaydi.

"Elektron xukumat to‘g‘risida”gi Qonunning kuchga kirishi yuqorida sanab o‘tilgan natijalar bilan birgalikda mamlakatimizda demokratik isloxotlarni yanada chuqurlashtirish, ishbilarmonlik muhitini yaxshilash yo‘li bilan chet el investorlarini jalb qilishga, xalq farovonligini, yurt ravnaqini yanada oshirishga, mamlakatimizda barqkapop iqtisodiy o‘sish sur’atlarini ta’minlashga xizmat qiladi hamda xududlarni ijtimoiy-iqtisodiy rivojlantirish uchun muhim ahamiyat kasb etadi.

Qonun loyihasini ishlab chiqishda bir qator rivojlangan mamlakatlarning elektron hukumat sohasidagi qonun hujjatlari va ushbu sohani tartibga solish amaliyoti tahlil qilindi. Jumladan, AQSH, Koreya Respublikasi, Finlyandiya va Avstriya davlatlari tahliliy-qiyosiy o‘rganilgan.

SHuningdek, ushbu hujjat Oliy Majlis Qonunchilik palatasi muhokamasiga kiritilgunga qadar uForum.uz Birlashgan forum maydonchasida jamoatchilik muhokamasidan o‘tdi, uning natijalariga ko‘ra 100 dan ortiq takliflar berildi, ulardan 55 dan ortiq takliflar qonunni qayta ishlash davomida qabul qilindi. 2013-2014 yillarda BMT xalqaro ekspertlari tomonidan muhokama qilinib, ularning taklif va mulohazalari asosida qayta ishlandi.