Elektromagnit maydon

Elektr maydoni – elektromagnit maydon ikki tomonining biri bo‘lib, elektr zaryadi atrofida va magnit maydonining o‘zgarishi tufayli hosil bo‘ladi, zaryadlangan zarracha va jismga ta’sir ko‘rsatadi hamda zaryadlangan qo‘zg‘almas zarracha va jismga ko‘rsatadigan ta’sir kuchi bilan aniqlanadi.

Magnit maydoni – elektromagnit maydon ikki tomonining biri bo‘lib, zaryadlangan zarracha yoki jism harakati va elektr maydonining o‘zgarishi tufayli hosil bo‘ladi, harakatlanayotgan zaryadlangan zarracha yoki jismga ta’sir ko‘rsatadi hamda harakatlanayotgan zaryadlangan jismga uning harakat yo‘nalishiga perpendikular yo‘nalgan va tezligiga proporsional bo‘lgan ta’sir kuchi bilan aniqlanadi.

• Magnit maydoni – elektromagnit maydon ikki tomonining biri bo‘lib, zaryadlangan zarracha yoki jism harakati va elektr maydonining o‘zgarishi tufayli hosil bo‘ladi, harakatlanayotgan zaryadlangan zarracha yoki jismga ta’sir ko‘rsatadi hamda harakatlanayotgan zaryadlangan jismga uning harakat yo‘nalishiga perpendikular yo‘nalgan va tezligiga proporsional bo‘lgan ta’sir kuchi bilan aniqlanadi.
• Elektr zaryad – materiya yoki jism xossasi bo‘lib, uni o‘zining va tashqi elektromagnit maydon bilan o‘zaro aloqasini tavsiflaydi. Elektr zaryad ikki xil: musbat zaryad (proton, pozitron va boshqa zarrachalar zaryadi) va manfiy zaryad (elektron va boshqa zarrachalar zaryadi). Elektr zaryad son jihatdan zaryadlangan zarrachaga va jismlarning o‘zaro ta’sir kuchi bilan aniqlanadi.
• Har qanday zaryadlangan zarracha atrofida elektromagnit maydon paydo bo‘ladi va bu maydon zarracha bilan yaxlit bir butunlikni tashkil etadi. Elektromagnit maydon zarrachadan tashqarida ham bo‘lishi mumkin. Zaryad miqdori o‘zgarganda mos ravishda o‘zgaruvchan elektromagnit maydon hosil bo‘ladi.
• Elektromagnit maydon ma’lum miqdordagi energiyani tashiydi va uning energiyasi kimyoviy, issiqlik, mexanik va boshqa turdagi energiyalarga aylanishi mumkin.

Elektromagnit maydon quyidagi o‘ziga xos xususiyatlarga ega:

• 1) elektromagnit maydon – obyektiv borliq - materiyaning maxsus ko‘rinishi bo‘lib, u o‘zaro uzviy bog‘liq va biri ikkinchisini namoyon etuvchi elektr va magnit maydonlarining majmuasidir.