Elektrolitlarda elektr toki. Elektroliz uchun Faradey qonuni Reja

Mavzuning maqsadi: Elektrolitlarda elektr toki. Elektrolitik disotsiyatsiya elektroliz. Elektroliz uchun Faradiey qonuni. Elektrolizning texnikada qo`llanilishi. Kimyoviy energiyani elektr energiyaga aylantirish haqida o’quvchilarda ko’nikmalar hosil qilish.

Mavzuning bayoni:

1. Distillangan suv elektr tokini o`tkazmaydi. Agar unga ozroq tuz qo`shilsa elektr tokini o`tkazuvchiga aylanadi. Ba’zi moddalarning suvdagi eritmasi elektr tokini o`tkazish qobiliyatiga, ya’ni zaryad tashuvchi zarralarga ega bo`lib qolar ekan. Erituvchida eriganda ionlarga ajraladigan moddalarga elektrolitlar deyiladi. Elektrolitlarda zaryad tashuvchi zarralar ionlar bo`ladi. Shuning uchun ham bunday o`tkazuvchanlikka ionli o`tkazuvchanlik deyiladi. Ionlarning vujudga kelishiga sabab, elektrolit eriganda uning molekulalari, erituvchi molekulalarining elektr maydoni ta’sirida musbat va manfiy zaryadlangan ionlarga ajralishidir. Elektrolitdagi ionlarning tashqi maydon ta’siridagi batartib harakatiga elektrolitlarda elektr toki deyiladi.