Elektrokardiografiya. Normal ekg eshboyev Joʻrabek Ulugʻbekivich Davolash 021-65 guruh

Т тишчанинг амплитудаси нормада 5-18 мм, кенглиги 0,1-0,25с. Агар унинг амплитудаси 2-3 мм дан ошмаса, ёки у изолинияда бўлса, ёки ҳиёл

манфий бўлса (айниқса стандарт тармоқларда), бу ҳолат миокарддаги дистрофик ўзгаришларнинг белгиси ҳисобланади.

• U тишча. Бу QRSТ комплексдан кейин келувчи, T-P интервалда жойлашган тишчадир. Унинг пайдо бўлиш механизми аниқ эмас. Унинг ҳосил бўлиши юрак мушакларининг тўлиқ бўшашиши билан боғлиқ деган таҳмин мавжуд. Кўп ҳолларда U тишча брадикардия фонида кўринади. Унинг фазаси Т тишча фазаси билан бир ҳил бўлади, яъни, агар Т тишча мусбат бўлса, U тишча ҳам мусбат бўлади, ва аксинча.

• R-R интервал. Бу икки R тишчанинг орасида жойлашган масофадир. Нормал ҳолатда унинг давомилиги 0,7 дан 1с гача бўлади. Ушбу масофа тахикардия пайтида қисқариб, брадикардия пайтида узунлашади. R-R интервалнинг қиймати юрак уриш частотасини ЭКГга қараб ҳисоблаш учун керак бўлади.

• PQ сегмент. PQ сегмент деб Р тишчанинг бошланиш нуқтасидан то Q тишчанинг (агар Q тишча бўлмаса, R тишчанинг) бошланиш нуқтаси-гача бўлган масофага айтилади. Нормада ушбу масофа 0,12-0,2с ни ташкил этади. PQ сегмент юрак бўлмачалари бўйича тарқалаётган ва АВ-боғлам орқали узатилаётган қўзғалиш жараёнининг тезлигини кўрсатади. Бўлмачалар ҳамда атриовентрикуляр блокадалар вақтида ушбу сегментнинг давомилиги узаяди.

• PQ интервал. Бу интервал P тишчанинг бошидан Q тишча ёки R тишча бошланишигача (Q тишча бўлмаганда) бўлган чизиқ кесмаси ҳисобланади. Нормада у 0,08-0,1 с га тенг. PQ интервал қўзғалиш импульсларини АВ бирикма орқали ўтиш тезлигини акс эттиради.

• QRS комплекс. Q тишча (ёки Q тишча бўлмаганда R тишча) бошланишидан S тишча (ёки S тишча бўлмаганда R тишча) охиригача бўлган масофа QRS комплекс дейилади.
• Нормада унинг кенглиги 0,06 дан 0,1 с гача бўлади. QRS комлекс қўзғалиш импульсини қоринча ичи йўллари бўйлаб тарқалишини акс эттиради, бу йўллар тўсиғи бўлганда эса унинг кенгайиши кузатилади.

• ST сегмент ёки интервал. ST сегменти ёки интервали деганда S тишча охиридан (ёки S бўлмаганда R тишча охиридан) T тишча бошланишигача бўлган масофа тушунилади. ST сегмент T тишча билан биргаликда кардиомиоцитларнинг реполяризацияси, яъни қўзғалишдан кейин дастлабки ҳолатга қайта тикланиш жараёнини акс эттиради. Миокард инфарктида ST сегментнинг изолиниядан кўтарилиши кузатилади

• QRST комплекс. Бу оралиқ ЭКГ даги Q тишча (ёки R тишча) бошланишидан T тишча охиригача бўлган масофа ҳисобланади. Бу комплекс қоринчаларнинг буткул систоласини билдиради.