Elektrokardiografiya. Normal ekg eshboyev Joʻrabek Ulugʻbekivich Davolash 021-65 guruh

Q тишчанинг кенглиги 0,03с дан ошмайди. Чуқур, кенг ёки аррасимон Q тишча патологик ҳисобланади. Q тишчанинг бундай ўзгаришлари Q

тишчали миокард инфарктида кузатилади.

• R тишча. Бу тишча ҳам қоринчаларнинг қўзғалишини кўрсатади. Бу QRS комплекснинг биринчи ва кейинги мусбат тишчалари ҳисобланади (R тишчалар бир нечта бўлиши мумкин, бу нормал эмас). R тишча доим мусбат бўлади.
• Энг баланд R тишча стандарт тармоқлар орасида II да кузатилади.
• Кўкрак тармоқларида V1 дан то V4 гача R тишча аста секин баландлашиб боради, V5,6 да эса аста секин пасаяди. Агар R тишча V5,6 да ҳам V3,4 даги сингари баланд ёки ундан ҳам баландроқ бўлса, бу ҳолат юракнинг чап қоринчаси гипертрофиясининг белгиси ҳисобланади.

R тишчанинг кенглиги 0,04-0,08с. Унинг амплитудаси I, II, III, aVL, aVF, V2-6 тармоқларда 5-25 мм га тенг, aVR, V1 да эса 3-4 мм дан ошмайди. Агар R тишчанинг баландлиги 5 мм дан паст бўлса (айниқса стандарт тармоқларда), бундай ЭКГ «паст вольтажли» деб номланади. Бундай ўзгариш миокардитлар, кардиомиопатиялар, миокардиодистрофиялар,

миокард инфаркти, кардиосклероз, экссудатив перикардит учун ҳосдир

• S тишча. Бу тишча ҳам Q ва R сингари қоринчаларнинг қўзғалишини кўрсатади. Бу QRS комплекснинг иккинчи ва кейинги манфий тишчалари. S тишча доим манфий бўлади. У R тишчанинг тўғридан-тўғри давоми ҳисобланади.
• Стандарт тармоқларда S тишча рўйхатга олинмаслиги ҳам мумкин.
• У кўкрак тармоқларида V1 дан V6 гача бошида аста секин чуқурлашиб, кейин калталашиб боради ва кўпинча V6 да кузатилмайди. Кўпинча V3,4 да S тишчанинг чуқурлиги R тишчанинг баландлигига тенг бўлади. Ушбу оралиқ «ўтиш зонаси» номини олган

S тишчанинг амплитудаси 0-12 мм. Кенглиги эса 0-0,08 с.

• Т тишча. Бу тишча юрак қоринчаларининг реполяризациясини кўрсатади. У QRS комплексдан кейин рўйхатга олинади. Т тишча мусбат ҳам, манфий ҳам бўлиши мумкин. Т тишча нормада носимметрик. Унинг биринчи ярми аста секин кўтарилиб, иккинчи ярми тикка пасаяди. Агар Т тишча симметрик бўлса, у миокард ишемияси ва гипоксиясининг белгиси бўлади.