Электр ускуналарида фойдаланиладиган

3.1.15. 1000 В гача бўлган оператив штангаларни қабул қилиш-топшириш ва ишлатиш синовлари 5 минут давомида 2 кВ кучланиш билан синалади.


110 кВ ва ундан юқори кучланишли ҳаво электр узатиш тармоқларида электромонтёрнинг бевосита ток угказувчи қисмларга тегиб ишлаши учун мулжалланган изоляцияловчи ускуна ва мосламалар
3.1.16. Қабул қилиш-топшириш ва ишлатиш синовларида ҳар бир изоляцияловчи ускунанинг электр ҳарактеристикалари текширилиши зарур. Синовдан олдин тозаланган ва қуритилган изоляцияловчи ускуналарни камида 24 соат давомида намлиги 70%, 20°С ±5°С бўлган ҳаво ҳароратида сақлаш лозим.
3.1.17. Электр синовлари 5-иловада қайд қилинган меъёрларда ўтказилади. Синовлар изоляцияловчи ускуналарга кучланиш бериш ва ундан ўтаётган ток миқдорини ўлчашдан иборат. Синов кучланиши берилаётган солиштирма синов кучланишидан келиб чиққан ҳолда аниқланади: қабул қилиш-топширищда 2,5 кВ ва ишлатиш синовида эса изоляцияловчи ускунанинг ҳар 1 см узунлигига 2,2 кВ. Синов изоляцияловчи ускунанинг бутун узунлигига ёки камида унинг 20 см узунлигига кучланиш бериш билан амалга оширилади. Изоляцияловчи арқонлар электродлар орасидан камида 4 м/минут тезликда тортиб ўтказиш йўли билан синалади. Бунда электродларни шундай қўйиш керакки, улар арқон билан камида 25 см узунликда контактда бўлиши лозим. Электродлар арқонни ифлос қилмаслиги ва унга шикаст етказмаслиги зарур. Арқонлар ҳар гал тозалангандан ва қуритилгандан кейин қўшимча синовдан ўтказилиши лозим. Электр синовларида (яхлит ёки айрим қисмлари) ускунадан ўтаётган токнинг миқдори 500 мкА-дан ошиб кетмаслиги зарур. Синов кучланиши миқдорига етганидан сўнг, 60-секунддан бошлаб токнинг миқдори 60 секунд мобайнида назорат қилиб турилади.
3.1.18. Агар синов вақтида тешилиш, изоляцияловчи қурилма юзасида электр ёй билан чокни қоплаб ўтиш ва юза разрядлари бўлмаганда, токнинг қиймати меъёрдагидан ошмаганда, диэлектрик йўқотишлардан маҳаллий қизишлар йўқлигида синовлар қониқарли ўтган ҳисобланади.
3.1.19. Арқондан ташқари, ҳар бир изоляцияловчи восита истеъмолчига топширищдан ва ишлатищдан аввал силикон мойи билан ишлов берилиши лозим.