Электр таъминоти ва электр тармоšлари

Вентилли разрядлагичлар

1.8.30. Вентилли разрядлагичлар монтаж жойига ўрнатилгандан кейин Қоидаларнинг мазкур бандида келтирилган ҳажмда синовдан ўтказиладилар.

1. Разрядлагич элементининг қаршилигини ўлчаш. Кучланиши 2,5 кВ бўлган мегаомметр ёрдамида амалга оширилади. Элементнинг изоляция қаршилиги меъёрланмайди. Изоляцияни баҳолаш учун разрядлагичнинг худди шу фаза элементларининг изоляция қаршиликлари билан солиштирилади. Бундан ташқари, ушбу қийматлар комплектнинг бошқа фазаларидаги элементларнинг изоляция қаршиликлари билан ёки ишлаб чиқарган завод томонидан берилган қийматлар билан солиштирилади.
2. Ўтказувчанлик токини (токни сизиб йўқолишини) ўлчаш. Вентилли разрядлагичларнинг алохида элементларини ўтказувчанлик токини (токни сизиб йўқолишининг) рухсат этилган қийматлари 1.8.32-жадвалда (мазкур Қоидаларга 4-илова) келтирилган.
3. Саноат частотасидаги тешувчи кучланишларни ўлчаш. Вентилли разрядлагичлар элементларининг учқунли оралиқларини тешувчи кучланиш қиймати 1.8.33-жадвалда (мазкур Қоидаларга 4-илова) келтирилган қийматлар оралигида бўлиши керак.
Саноат частотасидаги тешувчи кучланишни шунтловчи резисторларга эга бўлган разрядлагичларда ўлчашни, разрядлагичдан ўтувчи токни 0,1 А гача ва кучланиш бериб туриш вақтини 0,5 с гача чеклаб бера оладиган синов қурилмасида амалга ошириш руҳсат этилади.
Қувурли разрядлагичлар

1.8.31. Қувурли разрядлагичлар Қоидаларнинг мазкур бандида назарда тутилган ҳажмда синовдан ўтказиладилар.

1. Разрядлагич юзасининг холатини текшириш. Разрядлагични таянчга ўрнатишдан олдин кўрикдан ўтказиш йўли билан амалга оширилади. Сиртқи қисмида дарзлар ва кўчган қатламлар бўлмаслиги керак.
2. Ташқи учқунли оралиқни ўлчаш. Разрядлагич ўрнатилгандан кейин таянчда амалга оширилади. Учқунли оралиқ берилганидан фарқ қилмаслиги шарт.
3. Чиқириб юбориш зонасининг жойлашувини текшириш. Разрядлагич ўрнатилгандан кейин амалга оширилади. Чиқариб юбориш зонаси, потенциали разрядлагич очиқ томонининг потенциалидан фарқ қилувчи конструцияларнинг элементлари ва ўтказгичлар билан кесишмаслиги ва уларни қамраб олмаслиги керак.