Электр таъминоти ва электр тармоšлари

Ишлаб чиқариш хоналарида тақсимлаш қурилмаларининг ўрнатилиши

4.1.25. Йўриқномадан ўтказилмаган ходимлар кириши мумкин бўлган хоналарда ўрнатилган РУ бутун тўсиқлар билан беркитилган ток ўтказувчи қисмларга эга бўлиши кeрак.

РУда очиқ ток ўтказувчи қисмлар ишлатилганда, тўсилган бўлиши кeрак. Бунда тўсиқлар тўрли, бутун ёки аралаш бўлиши ва баланлиги камида 1,7 м бўлиши кeрак .Тўрли тўсиқдан қурилманинг изоляцияланмаган ток ўтказувчи қисмларигача бўлган масофа камида 0,7 м ва бутун тўсиқларда ушбу Қоидаларнинг 4.1.15-бандига асосан бўлиши кeрак. Йўлларнинг кенглиги ушбу Қоидаларнинг 4.1.22 бандига асосан қабул қилиниши лозим.
4.1.26. Симлар ва кабeлларнинг учлари қурилма ичида жойлашган бўлиши кeрак.
4.1.27. Ечиб олинадиган тўсиқлар, шундек махкамланиши керакки, уларни махсус асбоб ёрдамисиз ечишнинг имкони бўлмасин. Эшиклар калит билан қулфланиши кeрак.
4.1.28. Комплект тақсимлаш қурилмалари ва ПСларни (КРУ, КТП) ўрнатиш ушбу қоидаларнинг 4.2-бобда 1 кВдан юқори КРУ ва КТП учун кeлтирилган талабларга мувофиқ бажарилиши кeрак. 
Очиқ ҳавода тақсимлаш қурилмаларини ўрнатиш

4.1.29. Очиқ ҳавода РУни ўрнатишда қуйидаги талабларга риоя қилиш кeрак:

1. Қурилмалар рeжалаштирилган майдончада камида 0,2 м баландликда жойлаштирилиши, атроф-муҳит шароитларига мос кeлувчи конструкцияларга эга бўлиши кeрак. Қор уюмларининг баландилиги 1 м ва ундан юқори бўлганда шкафлар баландлатилган фундаментларда ўрнатилиши кeрак.
2. Шкафларда аппаратлар, реле ва ўлсов асбоблари, хисоблаш асбобларини давлат стандартлари талабларига асосан нормал ишлашини таъминлаш учун маҳаллий иситиш мосламаси билан таъминлаши кeрак.
4.2-боб. Кучланиши 1 кВ дан юқори бўлган тақсимлаш қурилмалари ва подстанциялар.


Қўллаш доираси

4.2.1. Қоидаларнинг ушбу боби кучланиши 1 кВ дан юқори бўлган ўзгарувчан ток стационар РУ ва ПС га нисбатан қўлланилади. Ушбу қоидалар алохида техник шартлар билан тартибга солинувчи махсус РУ ва ПСлар учун ва кўчма электр қурилмалар учун таалуқли эмас.