Электр таъминоти ва электр тармоšлари

Электр аппаратлар, иккиламчи занжирлар ва кучланиши 1000 В гача бўлган электр симлар

1.8.36. Электр аппаратлар ва ҳимоя, бошқарув, сигнализация ва ўлчов схемаларининг иккиламчи занжирлари Қоидаларнинг мазкур бандида келтирилган ҳажмда синаладилар. Тақсимловчи пунктлардан то электр қабул қилгичларгача бўлган кучланиши 1000 В гача бўлган электр симлар Қоидаларнинг ушбу банди 1 – бандости бўйича синовдан ўтказиладилар.

1. Изоляция қаршилигини ўлчаш. Изоляция қаршилиги 1.8.39 - жадвалда (мазкур Қоидаларнинг 4-иловаси) келтирилган қийматдан кичик бўлмаслиги шарт.
2. Саноат частотали юқори кучланиш билан синаш. Иккиламчи занжирларнинг ҳимоя, бошқарув, сигнализация ва ўлчов схемаларининг синов кучланиши, барча уловчи аппаратлар (автоматик ўчиргичлар, магнит ишга туширгичлар, контакторлар, реле, асбоблар ва ш.ў.) билан биргаликда – 1000 В. Меъёрланган синов кучланишини бериб туриш давомийлиги — 1 дақиқа.
3. Автоматик учиргичлар максимал, минимал ва мустақил ажраткичларининг ишлашини текшириш. Номинал токи 200 А ва ундан юқори бўлган автоматик учиргичларда амалга оширилади. Ажраткичларнинг ишлаш чегаралари ишлаб чиқарган завод қийматларига мувофиқ келиши керак.
4. Автоматик учиргичлар ва контакторларнинг ишлашини оператив токнинг номинал ва паст кучланишларида текшириш. Автоматик учиргичлар ва контакторларни кўп марта улаб ва ўчириб синовдан ўтказишда операциялар сони ва кучланиш қиймати 1.8.40- жадвалда (мазкур Қоидаларнинг 4-иловаси) келтирилган.
5. Реле аппаратурасини текшириш. Ҳимоя, бошқариш, автоматика, сигнализация ва бошқа қурилмаларнинг релеларини текшириш амалдаги йўриқномаларга мувофиқ амалга оширилади. Ишчи ўрнатмаларда релеларни ишлаб кетиш чегаралари ҳисобланган қийматларга мувофиқ келиши лозим.
6. Тўлиқ йиғилган схемаларнинг тўғри ишлашини оператив токнинг турли қийматларида текшириш. Схеманинг барча элементлари лойиҳада назарда тутилган кетма-кетликда оператив токнинг 1.8.41- жадвалда (мазкур Қоидаларнинг 4-иловаси) келтирилган қийматларида ишончли ишлашлари лозим.