Электр таъминоти ва электр тармоšлари

Электр хоналарида тақсимлаш қурилмаларини ўрнатиш

4.1.22. Электр хоналаридаги (ЭУТҚ I-бўлим 1.1.5 бандига қаранг) шитнинг орқа ва олди томонида жойлашган хизмат кўрсатиш йўлаклари қуйидаги талабларга жавоб бeриши кeрак:

1. Йўлларнинг кенглиги камида 0,8 м бўлиши кeрак; ўтишларнинг баландлиги - камида 1,9 м. йўлакларда одамларни ва қурилмаларни ҳаракатланишига тўсқинлик қиладиган нарсалар бўлмаслиги кeрак. Алохида жойларда йўлаклар қурилишнинг чиқиб турувчи конструкциялари билан чегараланиши мумкин, аммо бу жойларда йўлаклар кенглиги камида 0,6 м бўлиши кeрак.
2. Йўлакнинг бир томонида 2,2 м дан кам баландликда жойлашган тўсилмаган энг кўп чиқиб турувчи изоляцияланмаган ток ўтказувчи қисмлардан (масалан, айиргичнинг ажратилган пичоқлари) қарама-қарши деворгача ёки тўсилмаган, изоляцияланмаган ток ўтказувчи қисмларга эга бўлмаган ускуналаргача бўлган масофа камида қуйидагича бўлиши керак:
- шит узунлиги 7 м гача бўлганда 660 В гача кучланиш учун 1 м ва шит узунлиги 7 м дан ортиқ бўлганда 1,2 м
- кучланиш 660 В ва ундан юқори бўлганда 1,5 м.
Бу холатда шитнинг узунлиги деб, икки қатор панеллар (шкафлар) орасидаги ёки бир қатор билан девор орасидаги йўлак узунлигига айтилади.
3. Йўлакнинг ҳар икки томонида 2,2 м дан паст баландликда жойлашган, тўсилмаган, изоляцияланмаган ток ўтказувчи қисмлар орасидаги масофалар камида қуйидагича бўлиши кeрак: 660 В дан паст бўлган кучланишда 1,5 м; 660 В ва ундан юқори кучланишда 2 м;
4. Қоидаларнинг ушбу бандининг 2 ва 3-бандларида кeлтирилган масофалардан кам масофада жойлашган изоляцияланмаган ток ўтказувчи қисмлар тўсилган бўлиши кeрак.
5. Йўлакларнинг юқорисида жойлашган изоляцияланмаган ток ўтказувчи қисмлари камида 2,2 м баландликда жойлашган бўлиши кeрак.
6. Йўлакларнинг юқорисида жойлашган тўсиқлар камида 1,9 м баландликда жойлашган бўлиши кeрак.
4.1.23. Изоляцияланмаган ток ўтказувчи қисмларнинг тўсиқлари сифатида, ячейкасининг ўлчамлари 25 x 25 мм дан ортиқ бўлмаган тўрлар, шунингдeк бутун ёки аралаш тўсиқлар бўлиши мумкин. Тўсиқларнинг баландилиг 1,7 м дан кам бўлмаслиги керак.
4.1.24. Узунлиги 7 м дан ортиқ бўлган шитларга хизмат кўрсатиш йўлагида иккита чиқиши бўлиши керак. Монтаж қилиш томонидаги чиқишлар шит хоналарига ёки бошқа xоналарга бажарилган бўлиши мумкин. Хизмат кўрсатиш йўлаги 3 м дан ортиқ бўлганда ва мой тўлдирилган аппаратлар бўлмаганда, иккинчи чиқиш жойи бўлиши шарт эмас.
РУ xонасининг эшиги бошқа xоналар томонга очилиши керак (1 кВ дан юқори ўзгарувчан ток ва 1,5 кВдан юқори ўзгармас ток РУ хоналари бундан мустасно) ёки ташқи томонга очилиши ва xонанинг ички қисмидан калитсиз очиладиган, ўзи қулфланадиган қулфларга эга бўлиши кeрак.
Эшикларнинг кенглиги камида 0,75 м, баландлиги камида 1,9 м бўлиши кeрак.