Электр таъминоти ва электр тармоšлари

Шимдирилган қоғоз изоляцияли кабеллар учун узоқ муддат рухсат этилган токлар

1.3.12. Кучланиши 35 кВ гача бўлган шимдирилган кабель қоғозидан бўлган изоляцияли қўрғошин, алюминий ёки поливинилхлоридли қобиқдаги кабеллар учун узоқ муддат рухсат этилган токлар кабель толаларининг рухсат этилган ҳароратларига мувофиқ қабул қилинган:

Номинал кучланиш, кВ	3 гача	6	10	20 ва 35.
Кабель толасининг рухсат этилган ҳарорати, ^ОС	+80	+65	+60	+50

1.3.13. Ерда ётқазилган кабеллар учун узоқ муддат рухсат этилган токлар 1.3.13, 1.3.16, 1.3.19 - 1.3.22 – жавдалларда (мазкур Қоидаларнинг 1 - иловаси) келтирилган. Улар ернинг ҳарорати +15^ОС ва солиштирма қаршилиги 120 Омм, чуқурлиги 0,7-1 метр бўлган траншеяда биттадан кўп бўлмаган кабелни ётқазилиши ҳисобидан қабул қилинган. Ернинг солиштирма қаршилиги 120 Омм дан фарқ қилганда, юқорида келтирилган жадваллардаги ток юкламаларига 1.3.23 – жадвалда (мазкур Қоидаларнинг 1 - иловаси) кўрсатилган тузатувчи коэффициентлар қўлланилиши керак.

1.3.14. Сувда ўтказиладиган кабеллар учун узоқ муддат рухсат этилган токлар 1.3.14, 1.3.17, 1.3.21, 1.3.22- жадвалларда (мазкур Қоидаларнинг 1 - иловаси) келтирилган. Улар сувнинг ҳарорати +15^ОС бўлган ҳолат учун келтирилган.
1.3.15. Ҳавода, биноларни ичи ва ташқарисида ўтказилган кабеллар учун, кабелларни сони ҳар қандай ва ҳаво ҳарорати +25^ОС бўлганда узоқ муддат рухсат этилган токлар 1.3.15, 1.3.18 - 1.3.22, 1.3.24, 1.3.25 - жадвалларда (мазкур Қоидаларнинг 1 - иловаси) келтирилган.
1.3.16. Ердаги қувурларда якка ётқазилган кабеллар учун узоқ муддат рухсат этилган токлар ҳудди ерни ҳароратига тенг ҳароратли ҳавода ўтказилган кабеллар каби қабул қилиниши керак.
1.3.17. Кабеллар аралаш ўтказилганда узоқ муддат рухсат этилган токлар трассанинг энг ёмон совутиш шароитига эга бўлган қисми учун қабул қилиниши керак, агар унинг узунлиги 10 м дан ортиқ бўлса. Ушбу ҳолларда каттароқ кесим юзали кабель киритмаларини қўллаш тавсия этилади.
1.3.18. Ерда (шу жумладан қувурларда) бир неча кабел ётқазилганда узоқ муддат рухсат этилган токлар 1.3.26 – жадвалда (мазкур Қоидаларнинг 1-иловаси) келтирилган коэффициентларни киритиш йўли билан камайтирилиши керак. Бунда заҳирадаги кабеллар ҳисобга олинмайди.
Ерда бир неча кабел ётқазилганда, уларнинг четлари орасидаги масофани 100 мм дан кам қилиб ётқизиш тавсия этилмайди.
1.3.19. Мой ва газ тўлдирилган бир толали зирхланган кабеллар, шунингдек янги конструкцияли бошқа кабеллар учун узоқ муддат рухсат этилган токлар ишлаб чиқарувчи заводлар томонидан белгиланади.
1.3.20. Блокларда ётқазилган кабеллар учун узоқ муддат рухсат этилган токлар қуйидаги эмпирик формула ёрдамида аниқланади: