Электр таъминоти ва электр тармоšлари

 
 
Кучланишнинг даражалари ва бошқариш, реактив қувват компенсацияси. 
1.2.22. Электр тармоқлари учун электр энергияси кучланиши сифати Давлатаро стандарт ГОСТ 13109-97 «Электр 
энергияси. Техник воситаларнинг электромагнит мутаносиблиги. Умуммақсадли электр таъминоти тизимида электр 
энергияси сифати меъёрлари» даражасида бўлишини таъминловчи техник тадбирлар назарда тутилган бўлиши лозим. 
1.2.23. Кучланишни ростловчи қурилмалар, кучланиши 6-20 кВ бўлган тақсимловчи тармоқлар уланган электр станция 
ва подстанциялар шиналарида кучланиш, ушбу тармоқларда юклама энг катта бўлган даврда номиналнинг 105% идан кам 
бўлмаган ва юклама энг кичик бўлган даврда номиналнинг 100% идан кўп бўлмаган чегаралари таъминланишини 
ушлашлари зарур. 
1.2.24. Истеъмолчиларда ўрнатиладиган реактив қувватни компенсацияловчи қурилмалар энерготизимдан қабул 
қилинадиган реактив қувват миқдорини ушбу истеъмолчи электр қурилмаларини энерготизимга улаш шартларида 
кўрсатилган миқдорлар чегарасида бўлишини таъминлашлари керак. 
1.2.25. Электр тармоқларда реактив қувватни компенсацияловчи қурилмаларни танлаш ва жойлаштириш амалдаги 
қурилиш меъёрлари - ҚМҚ, «Электр энергиясидан фойдаланиш қоидалари» ва «Реактив қувватни компенсациялаш бўйича 
йўриқнома»ларга мувофиқ бажарилиши лозим. 
1.3-боб. Ўтказгичларни қизиш, токнинг иқтисодий зичлиги ва тожланиш шартлари бўйича танлаш 
 
Қўллаш доираси 
 
1.3.1. Қоидаларнинг ушбу боби электр ўтказгичлар (изоляция қилинмаган ва изоляция қилинган симлар, кабеллар ва 
шиналар) кесим юзаларини қизиш, токнинг иқтисодий зичлиги ва тожланиш шартлари бўйича танлашга тегишлидир. Агар 
ўтказгичнинг ушбу шартлар бўйича аниқланган кесим юзаси бошқа шартлар (қисқа туташув токларига бўлган термик ва 
электродинамик барқарорлик, кучланиш йўқолиши ва оғиши, механик мустаҳкамлик, ўта юкланишдан ҳимоя) бўйича талаб 
этилган кесим юзасидан кичик бўлса, унда ушбу шартлар бўйича талаб этилган энг катта кесим юзаси қабул қилиниши 
керак.