Электр таъминоти тизими ҳақида янги маълумотлар ва мавзуга оид янгиликлар киритилади

3-жадвал
Ўта кучланишдан чегаралаш аппаратларини танлаш

Номланиши	ОПН маркаси	Танлаш шарти
		- қурилманинг кучланиши бўйича, кВ
220 кВ	VariSTAR–AZG4-220	220 220
27,5 кВ	VariSTAR–Ultra-35	35 27,5
10 кВ	VariSTAR–Ultra-10	10 10

1.4. Тортувчи нимстанцияларни таъминловчи электр энергия узатиш линиясида ўта кучланишдан ҳимоялаш аппаратлари

Чақмоқ урган вақтда электр энергия узатиш линиясининг ишончлилигини ошириш электроэнергетиканинг ҳозиргача муҳим масалаларидан бири бўлиб қолмоқда. Бу кўринишдаги муаммолар асосан юқори кучланишли электр энергия узатиш линияларида кўпроқ кузатилади. 220-500-750 кВ кучланишли электр энергия узатиш линияларида чақмоқ уриши ишончлиликка жуда катта таъсир кўрсатади. Чақмоқ уришидан линиянинг ўчиши таҳминан умумий ўчишлар сонининг 11% ини ташкил қилади.

Ҳозирги кунда юқори кучланишли линияларда электр занжири токини улаш ва узиш учун махсус юқори кучланишли вакуумли узгичлар қулланилмоқда. Улардан бири бу ВВД-8-10 - вакуумли реклоузер (высоковольтный вакуумный выключатель наружной установки) ҳисобланади. Темир йўл электр таъминоти тизимида электр энергия узатиш линиясининг ишончлилигини ошириш учун махсус жиҳозлар ҳам унинг ишлаб чиқарилиш шаклида бўлади. Юқорида келтирилган коммутацион аппарат “Электроаппарат Энерго” заводидан ишлаб чиқарилиб, иш жараёнида ўзини оқлади ва у истеъмолчилар томонидан кўплаб сотиб олинмоқда. Бу аппарат бир ёки бир неча электр занжиридаги токни қўшиш ва ўчириш учун қўлланилади.

17-расм. ВВД8-10 - вакуумли реклоузер

Темир йўл электр таъминоти тизимида электр энергия узатиш линиясининг ишончлилигини ошириш учун, шу билан бир қаторда замонавий янги коммутацион аппарат авлоди нормал ва шикастланиш режимларида бир хил ишлайдиган вакуумли реклоузер қўлланилади. Вакуумли реклоузернинг асосий вазифаси автоматлаштириш ва электр энергия узатиш линиясининг ишончлилигини ошириш ҳисобланади. Реклоузернинг қўлланилиши тақсимланиш тармоқларида тезкор ўчиб ёқилишни таъминлайди. Шикастланиш бўлган жойни алоҳида автоматик тарзда ўчиради, шикастланган участкани автоматик тарзда ажратади, линияни автоматик қайта улайди, манбани қайта тиклайди ва электр энергия узатиш линиясининг иш режимлари ҳақида маълумотлар йиғади. Вакуумли реклоузер вакуумли узгич ва бошқариш блокини ўз ичига олади. Бошқариш блокининг бошқаларидан фарқи намга чидамлилиги ва кам қувват сарфлаши. Агарда иш жараёнида реклоузерни таъминлайдиган манба ишдан чиқса, автоматик заҳира аккумулятори қўшилади. Турли хил режимларда маълумотларни узатиш имкони мавжуд.