Электр курилмаларини эксплуататция килишда хавфсизлик техникаси коидалари

§7. Иш жараёнини назорат килиш

84. Ишга рухсат берилганидан сўнг бригада аъзолари тарафидан хавфсизлик талаблари бажарилиши устидан назорат ишбошига (назорат килувчига) юклатилади. У иложи борича хавфи кўпрок иш бажарилаётган жойда бўла туриб, ўз ишини шундай ташкил килиши керакки, ўша ердан туриб ишлаётган хамма бригада аъзолари ишини назорат кила оладиган бўлсин.

Назорат килувчига бригада аъзоларини назорат килишдан бошка бирон ишни ўриндошлик йўли билан бажариши ман килинади.
85. Мабодо ишбоши (назорат килувчи) иш жойидан вактинча кетиши керак бўлиб колса, унинг ўрнини иш рахбари, ишга рухсат берувчи ёки наряд бериш хукукига эга бўлган ходимга алмаштириш имкони бўлмаса, ишбоши бригадани иш жойидан чикариб юбориши шарт (таксимловчи курилма жойлашган худуддан улар чикарилиб, эшиклар кулфланади, ходимлар ХЛ таянчларидан туширилади ва х).
Ишбоши (назорат килувчи) алмаштирилганда, нарядни ўз ўрнига вактинчалик колдирилган ходимга бериб кетиши керак.
1000 В кучланишгача бўлган электр курилмаларда фармойиш билан иш бажарилаётган бўлса ишбошининг киска вактга кетишига рухсат берилади. Бундай пайтда бригаданинг электр хавфсизлиги гурухи III бўлган бир ёки бир нечта аъзолари иш жойида колиб ишни давом эттиришлари мумкин.
86. Ишбошининг рухсати билан бригада аъзоларидан бири ёки бир нечтаси иш жойларидан вактинча кетишлари мумкин. Бунда уларни бригада таркибидан чикариш талаб килинмайди. 1000 В кучланишдан юкори бўлган электр курилмаларда иш жойида колган бригада аъзоларининг сони ишбоши билан хисобланганда икки кишидан кам бўлмаслиги керак.
Электр хавфсизлиги гурухи III бўлган бригада аъзолари таксимловчи курилма жойлашган хонадан мустакил чикиб, яна иш жойига кайтиб келиши мумкин. I ва II гурухга эга бўлган бригада аъзолари эса факат III гурухга эга бўлган бригада аъзоси ёки электр курилмани якка ўзи кўриб чикиш хукукига эга бўлган шахс хамрохлигида чикиб, яна иш жойига кайтиб келишлари мумкин. Таксимловчи курилмалар жойлашган хонадан чикиб кетишда эшикни очик, кулфланмаган холда ташлаб кетиш ман килинади.
Ишга кайтган бригада аъзолари факат ишбошининг рухсати билан ишга тушишлари мумкин. Агар электр курилма жойлашган хонани кулфлашнинг иложи бўлмаса, ишбоши бригада аъзолари кайтгунга кадар иш жойини ташлаб кетишга хакки йўк.
87. Мазкур Коидаларни бузиш холлари аникланганда, ёки ишлаётган одамлар хаётига хавф тугдирувчи холат сезилганда, дархол бригада иш жойидан чикарилиши ва ишбошидан наряд кайтариб олиниши керак. Аникланган камчиликлар бартараф килингандан сўнггина биринчи бор ишга рухсат бериш коидаси талабларини бажарган холда янгидан ишга кўйиш мумкин.