Электр курилмаларини эксплуататция килишда хавфсизлик техникаси коидалари

§6. Иш жойини тайёрлаш ва ишлашга рухсат бериш

75. Нарядда иш жойини тайёрлашга тааллукли кўрсатилган чора тадбирларни ўзгартириш ман килинади.

Иш жойини тайёрлашга тааллукли чора тадбирларнинг тўгри ва етарлигига, хамда ишни хавфсиз бажарилишига шубха пайдо бўлганда иш жойини таёрлаш тўхтатилади.
76. Ишбоши ишлашга рухсат берувчи вазифасини ўриндошлик йўли билан бажарган такдирда, у иш жойини бригада аъзоларидан электр хавфсизлиги бўйича III гурухга эга бўлган бирортаси билан тайёрлаши шарт.
77. Ишлашга рухсат берувчи ишга рухсат беришдан олдин, иш жойини тайёрлашга тааллукли техник тадбирларни бажарилганлиги тўгрисида ишонч хосил килиши керак. Ишонч ўз кўзи билан кўриш, тезкорлик журналида ёзилган ёзувга караб ишлаб турган электр тармок схемасидаги белгиларга караш ёки навбатчи, тезкор таъмирловчи ходим ва электр энергия истеъмол килувчи корхона ходимининг маълумотлари оркали, хосил килиниши мумкин.
78. Иш рахбари ёки ишбоши (назорат килувчи) ишлашга рухсат беришдан олдин ишга рухсат берувчидан иш жойини тайёрлашда кандай чора тадбирлар кўрилганлигини аниклаши ва бу жойни тайёрлаш кандай бажарилганлигини бевосита шахсан ўзи иш жойида кўздан кечириши керак.
Ишлашга рухсат беришдан олдин, иш жойи тайёрлигини иш рахбари ишлашга рухсат берувчи билан биргаликда ёки унинг рухсати билан ишбоши, иш рахбари ёки иша рухсат берувчи ходим билан текшириши керак.
79. Наряд ва фармойиш бўйича ишлашга рухсат бериш бевосита иш жойининг ўзида амалга оширилиши шарт.
Фармойиш билан ишлашда иш жойини тайёрлаш керак бўлмаган такдирда, бригадани ишлашга рухсат бериш иш жойига бориб амалга оширилиши шарт эмас, ХЛ, КХЛ ва ХАЛ ларида эса талаб килинмайди.
80. Бригадани ишлашига рухсат бериш, иш жойининг тайёрлиги текширилганидан сўнг, амалга оширилади. Бунда ишга рухсат берувчи куйидагиларни амалга ошириши керак:
наряд ёки фармойишда кўрсатилган бригада таркибидаги хамма ходимларни бирма бир шахсий гувохномаларига караб мослиги текширилиши керак;
йўрикнома бериши: бригадани наряд, фармойиш мазмуни билан таништириши; иш жойига якин турган, кучланиш бор йўклигидан катъий назар, уларга якинлашиш ман килинган таъмирланаётган ва унинг ёнидаги кўшимча ускуналарнинг ток ўтказувчи кисмларни кўрсатиши керак;
бригадага тармокдаги ерга улагичлар кўйилган жойни кўрсатиш билан ёки ерга улагия иш жойида кўринмаган такдирда кучланиш бор йўклигини текшириш билан биргаликда, 35 кВ ва ундан паст кучланишли электр курилмаларда иложи бўлса, кейинчалик ток ўтказувчи кисмга кўл тегизиш оркали кучланиш йўклигини исбот килиш керак.
81. Бригада аъзоларига ишлашга рухсат берувчидан ташкари ишбоши хам йўрикнома бериши керак. У иш бажариш технологияси, асбоблар, юк кўтариш машинаси ва механизмлардан фойдаланиш тўгрисида йўрикнома бериш билан биргаликда, ишни хавфсиз бажариш хакида хам йўрикнома беради. Иш рахбари керак бўлганда, йўрикномани тўлдириши мумкин.
Йўрикнома бермасдан бригадани ишлашга рухсат бериш ман килинади.
82. Бригадага йўрикнома ва ишлашга рухсат бериш ишлашга рухсат берувчи ва ишбошининг (назорат килувчининг) имзоси билан нарядда куни ва вакти кўрсатилиб мазкур Коидаларнинг 3-илова 3 жадвалида расмийлаштирилади.
Ишлашга рухсат беришда ўтказилган йўрикномани йўрикнома ўтказиш журналида расмийлаштириш талаб килинмайди.
83. Ишлашга рухсат бериш наряднинг хар икки нусхасида расмийлаштирилади. Наряднинг бир нусхаси ишбошида (назорат килувчида), иккинчиси эса навбатчи ёки тезкор таъмирлаш ходимидан тайинланган ишлашга рухсат берувчида колдирилади.
Ишбоши ишлашга рухсат берувчи шахс вазифасини ўриндошлик билан бажарганда ишлашга рухсат бериш наряднинг факат бир нусхасида расмийлаштирилади.
Фармойиш билан ишлашга рухсат бериш тезкорлик журналида ёки наряд ва фармойишлар билан килинган ишларни кайд килиш журналида расмийлаштирилади (мазкур Коидаларнинг 5 -иловаси).