Elektr energiyasi va nasos stantsiyalaridan foydalanish kafedrasi "tasdiqlayman"

78-rasm. Toʻlqindan foydalanib elektroenergiya ishlab chiqaruvchi

«Ustritsa» qurilmasi.
Har bir«Ustritsa» qurilmasi 300÷600 kVt/soat elektroenergiya ishlab chiqarishi mumkin. Bu qurilmalarni qirg‘oqdan uncha uzoq boʻlmagan suvlarga oʻrnatilishi, ularni boshqaradigan barcha jihozlarni qirg‘oqqa oʻrnatish imkonini beradi. Bundan tashqari uni suvning harakati barqaror boʻlgan 12÷16 m chuqurlikka oʻrnatish mumkin. U deyarli tovushsiz ishlaydi, dengiz hamda okean flora va faunasiga zarar keltirmaydi [36].
Toʻlqin qurilmalaridan yana biri «Searaser», ya’ni «Dengiz toʻldiruvchisi» dir. U dengiz va okean suvlarini juda katta (200 m gacha) balandlikka koʻtarib
beradi. Birinchi qarashda bu qurilma xuddi toʻlqin generatoriga oʻxshaydi. Ammo bu qurilma oddiy porshenli nasos sifatida ishlaydi.
Bu qurilma ikki dona bir-biriga nisbatan harakatlanuvchi poʻkaklardan
iboratdir. Ularning biri toʻlqinlarda erkin harakatlanasa, ikkinchisi zanjir va og‘ir
langar bilan dengiz tubiga mahkamlangan. Poʻkaklar oʻrtasida ikki harakatli
porshenli nasos qurilmasi – silindr bilan porshen hamda klapanlar va chiqish quvuri joylashgan (79 va 80-rasmlar).