Elektr energiyasi va nasos stantsiyalaridan foydalanish kafedrasi "tasdiqlayman"

Toʻlqin elektrostansiyalari.
Hozirgi kunlarda kino, videofilm va televedenieda okean va dengizlardagi
toʻlqinlar toʻg‘risida koʻplab ma’lumotlar berilmoqda. Ularda asosan toʻlqinlar
oʻrkachida sport taxtasida suzayotgan sportsmenlar koʻrsatiladi. Ammo dengiz va
okean chuqurliklari oʻzida juda katta energiya zahiralarini saqlab turadi.
Toʻlqinlar energiyasidan mexanik, gidravlik va elektr energiyalarini olish
mumkin. Toʻlqinlar energiyasi olinadigan mexanik va gidravlik energiya-dan har xil maqsadlarda elektr energiyasi olishda, suvni balandlikka koʻtarishda va boshqalarda foydalanish mumkin.Bunday energiyalar va ulardan foydalanish shu soha boʻyicha ishlayotgan firmalarga koʻp vaqtdan buyon ayon. Ular dengiz toʻlqinlaridan energiya olishning har xil turlari va qurilmalarini ishlab chiqmoqdalar. Bunday qurilmalar hozirgi kunda Kaliforniya, Oregon, SHvetsiya, SHotlandiya va Orkni orolida ishlamoqda [35, 67].
«Ustritsa» mana shunday qurilmalardan biridir. Ammo uning ishlash prinsipi
ilgarigi qurilmalardan tubdan farq qiladi.Bu qurilma toʻlqin energiyasini toʻg‘ridantoʻg‘ri elektr energiyasiga aylantirib bermaydi. Qurilmadagi porshenlar toʻlqin harakatiga mos ravishda ishlab okean va dengiz suvini ma’lum bosim ostida elastic quvurlar orqali qirg‘oqqa haydaydi. Qirg‘oqdagi turbinaga kelib urilayotgan suv generatorni harakatga keltiradi va elektr energiyasi ishlab chiqaradi (78-rasm).