ƏLƏKBƏr MƏMMƏdov ceyhun yusifov iLqAr Seyfullayev vergİ

Vergİ VƏ TƏrƏqqİ
Şəkil 4.2.1. Vergilər Nazirliyinin xətti ilə daxil olan vergi
məbləğində dolayı vergilərin xüsusi çəkisi (%-lə).
2.  İxracın  stimullaşdırılması  və  daxili  bazarın  qorunması.
Dolayı  vergilərin  ixracda  “0  dərəcə”ilə  tutulması  yerli
məhsulların xarici bazarlarda rəqabət qabiliyyətinin artırılmasına
xidmət  etməklə  daxili  istehsalın  stimullaşdırılmasına  və
beləliklə,  işçi  qüvvəsinə  tələbatın  artırılması  ilə  əhalinin
gəlirlərinin  artmasına  şərait  yaradır.  Digər  tərəfdən,  idxalda
məhsulların dolayı vergilərə cəlb olunması və gömrük rüsum -
larının tətbiqi yerli məhsulların daxili bazarda da mövqeyinin
güclənməsinə və yerli istehsalın dəstəklənməsinə şərait yaradır.
Belə yanaşmanı proteksionist siyasət də adlandırırlar.
3. Gəlirlərin yenidən bölgüsü və bərabərsizliyin azaldılması.
Gəlirlərin  artımı  insanlarda  daha  yüksək  ranqlı  və  qiymətcə
bahalı  məhsul  və  xidmətlərə  tələbat  yaradır.  Yüksək  gəlirli
fərdlərin artan istehlak xərcləri onları daha çox dolayı vergini
ödəməyə  vadar  edir.  Nəticədə  dövlət  büdcəsinin  aztəminatlı
əhaliyə istiqamətlənən sosial layihələr üçün maliyyə imkanları
artır.   
Qeyd  olunan  məqsədlərə  nail  olunması  şəffaf  vergitutma,
mütərəqqi vergi inzibatçılığı və əhalinin vergi mədəniyyətinin
səviyyəsi ilə birbaşa bağlıdır.

---

---