Eksperimental psixologiya va praktikum

5-mashq. 
“Men o‘zimni tahlil qilaman” individual ishlash 
Ishtirokchilarga quyosh, bulut va yomg‘ir tomchilari tasvirlangan qog‘oz 
varaqlari tarqatiladi. 
Ko‘rsatma:
Ko‘rib turganingizdek, Sizning qo‘lingizda quyosh, bulut va yomg‘ir 
tomchilari tasvirlangan varaqlar. Har bir insonning ijobiy va salbiy sifatlari 
mavjud. Ijobiy sifatlar bizga yashashga, maqsadga erishiga, rivojlanishga yordam 
bersa, salbiy sifatlar ko‘pincha haytda to‘siq, to‘g‘anoq bo‘lib xizmat qiladi.
Keling, quyoshning nurlari ichiga o‘zimiznig ijobiy siyaatlarimizni yozib 
chiqamiz. Agar istasangiz, quyoshning o‘rtasiga o‘z avtoportretingizni ham 
ifodalashingiz mumkin. 
Endi mana bu ikkita bulutda esa Siz uchun katta to‘siq bo‘layotgan, 
muvaffaqiyatga, maqsadga erishishingizda to‘g‘anoq bo‘layotgan ikkita salbiy 
sifatni yozing. YOmg‘ir tomchilariga esa kundalik hayotingizdagi Sizga ma’qul 
kelmaydigan, siz kamchilik deb hisoblaydigan sifatlar salbiy sifatlarni yozing. 
Balki ular sizga yashash uchun unchalik ham halaqit bermayotgandir? 
Qog‘ozning orqasini o‘girsangiz, ana shu salbiy sifatlaringizning ustida 
ishlash algoritmini ifodalovchi jadval keltirilgan. SHu jadval ustida ishlab 
ko‘raylikchi. 
Bajarib bo‘lgan bo‘lsangiz, kim o‘z algoritmini himoya qilib beradi? 
Ko‘ngillilar bormi? 
Guruhga savol: bu metodika sizga nima berdi? Algoritmni ishlab chiqish 
orqali nimalarga erishingiz mumkin?

---

Enerjayzer: “SHunday qilginki, senga qarsak chalishsin”. 
Ishtirokchilar orasidan uch ko‘ngilli chaqiriladi, ular auditoriyadan chiqib 
ketadi hamda auditoriyadagilar unga qarsak chalishi uchun nimadir qilish 
topshirig‘ini oladi.
Bu vaqtda auditoriyada qolganlarga shunday topshiriq beriladi: “Kim kirsa, 
uning har bir harakatini takrorlang va o‘zi qarsak chalishni boshlaganidagina 
qarsak chaling”.
So‘ngra auditoriyaga chiqib ketganlardan biri taklif etiladi, u davra ichiga 
o‘tib, biror narsa qilishni boshlaydi. O‘yinning mazmuni shundaki, chiqish 
qilayotgan kishi qarsak chalishi kerakligini tushunib etishi kerak va shundagina 
butun guruh unga qarsak chaladi.