Экспериментал психология ва практикум

2-тажриба.
Сон қаторини ҳосил қилиш
Эксперимент учун материал. 1-тажрибаники экспериментал материаллар лозим бўлади; иккинчи кичик гуруҳ иштирок этади.
Тажрибани амалга ошириш тартиби: Тахтага бириктирилган карточкалар жойлаштирилади, унда натурал қаторни ҳосил қилмайдилар. Текширилувчиларга ўзининг дафтарида 15 катакли (5 тадан 3 қаторда) сетка чизиш таклиф этилади. Уларнинг вазифаси карточкадаги сонларни қатъий тарзда кичикларини юқори қаторнинг чап катакларида, катталарини эса ўнг катакнинг қуйи қаторига жойлаштиришдан иборат. Хато ёзилган сон ўчириб ташланади ва керакли сон ёзилади. Тажриба тугагунга қадар вазифани тугатса, кезида дафтарида яна битта сетка чизиши ва унда аввал жуфт сонларни, сўнгра тоқ сонларни ёзиб қўяди.
Сўнгра улардан аввал сонларни, сўнгра предмет номларини эсга олиши таклиф этилади.
Натижаларни қайта ишлаш
1. Текширилувчилар гуруҳи учун биринчи ва иккинчи тажрибадаги предметлар ва сонларнинг тўғри эсга туширилганлари ўртача қиймати аниқланади.
2. Олинган ўртача қиймат 5.1.2 -жадвалда ёзилади.
Натижаларни таҳлил қилиш ва хулосалар
1. 5.1.2. жадвалда натижаларнинг таҳлили асосида ихтирёсиз хотиранинг маҳсулдорлигини белгиловчи шарт-шароитлар ҳақида хулоса чиқаринг.

2-машғулот

Хотиранинг образлигини ўрганиш

Тажрибадан мақсад: Хотиранинг образли хусусиятини ўрганиш ва хотирани махсулдорлик даражасини аниқлаш.
Керакли анжомлар: а) Турли хил придметларни акс эттирган суратлар, 16 та бир-бирига боғлиқ бўлмаган рангли предметлар сурати .
б) Секундомер
в) Олдиндан тайёрлаб қўйилган баённома


Тажрибанинг бориши: Текширилувчига 16 та предметни ўзида акс эттирган сурат мажмуаси кўрсатилади ва 1 дақиқа давомида тикилиб олиш тавсия этилади. Шундай сўнг қанча суратни эслаб қолинганлигини 5 дақиқадан сўнг ёзиб бериш сўралади. Текширилувчига худди суратда мавжуд бўлган жадвал берилади, лекин суратлар бўлмайди, тоза қоғозга чизилган 16 та катак мавжуд бўлади. Орадан 10 дақиқа ўтгач, янги қоғозга эсда қолган суратларни яна ёзиб бериш сўралади.
Йўриқнома: Сиздан илтимос, ушбу 16 та предметларни ўзида акс эттирган суратлар мажмуасига диққат билан қаранг. Сизга 1 дақиқа вақт берилади. Сўнгра эслаб қолган предметларингизни биз берган қоғозга ёзиб беришингизни сўраймиз. Фақат биз айтган вақтимизда.