Экспериментал психология ва практикум

Натиажаларни қайта ишлаш: Текширилувчи ҳар бир 20 сонияда қанча тўғри ва нотўғри қўшиш амалини бажарганлиги ҳисобланади.
Методика ишга лаёқатлилик коэффициентини қўлга киритишга имкон беради:

С₂- охирги тўрт қатордаги жуфт сонларни тўғри қўшишлар йиғиндиси
С₁-олдинги тўрт қатордаги жуфт сонларни тўғри қўшишлар йиғиндиси


Ҳар хил нерв-психик касаллик билан оғриган беморларга хос хусусиятлар:

• 
  Бош миянинг органик касалланганлиги (Травма, қон-томири бемори, яллиғланиш, шиш борлиги)-маҳсулдорлик паст, диққатнинг йўқолиб бораётганлиги, озроқ топшириқда ишга лаёқатлиликнинг сусайиши ва хатоларнинг кўплиги кузатилади.
  
• 
  Неврозлар нотекис, эгри-бугри (пик) кўринишдаги хатолар кам бўлади, маҳсулдорлик етарлича (нормага яқин), аммо диққат сусайиб боради. Диққатнинг йўқолиб бориши ва ишга лаёқатлиликнинг сусайиши ишни бажариш суръатининг нотекис бориши билан характерланади. Уларда диққатнинг cусайиши бош мия органик касаллиги билан оғриган беморларникидай кескин юз бермайди.
  
• 
  Апато-абулия синдромли шизофрения билан оғринган беморларда ишга қобилиятлилик анча паст бўлади (ҳар бир қаторда 2-4 қўшиш амали бажарилади). Ҳаддан ортиқ хатолар кўп. Уларда жадвални тўлдиришда ҳеч қандай қизиқиш бўлмайди.
  

К_и/л-коэффициент қиймати 1 га яқинлашса, ишдан толиқиш амалий жиҳатдан юз бермайди.


2-машғулот
Диққатнинг танловчанлиги тамғаларини тузатиш усули орқали тадқиқ этиш.
Кириш қайдлари. Лаборатория методлари ичида энг кенг тарқалгани бу -бланкли методлар бўлиб, улар «тамғаларни тузатиш» номи билан бирлаштирилган. Тамғаларни тузатиш ҳар хил стимуллардан тузилиши мумкин: ҳарф, рақам, геометрик фигуралар, боғланган ва боғланмаган матнлар ва бошқалардан иборат. Текширилувчининг вазифаси эса берилган стимулни бошқа стимуллар орасидан ажратиб олиши ва уни қайд этиши лозим.
Диққатнинг танловчанлик кўрсаткичини топшириқни аниқ бажариш коэффициенти ташкил этади. Бажарилган топшириқнинг аниқлик коэффициентини (А) Уиппл формуласи билан топилади:

Бу ерда, N- умумий топилган стимуллар сони, r-нотўғри топилган стимуллар миқдори; p -ўтказиб юборилган стимуллар миқдори. –