Ekologiya va gigiyena modulidan o’quv uslubiy majmua

Profilaktikasi. 
Dudlangan mahsulotlarni (baliqni) tayyorlash uchun baliqni sovutish asosiy 
shart hisoblanadi. Baliq zavodlarida dudlangan mahsulotlar tayyorlash uchun baliqlarni tiriklayin 
shikastlamasdan qabul qilish tavsiya etiladi. Konserva sanoatida ham konservalarning sterilizatsiya 
qilish rejimini puxta nazorat qilish kerak. Anaerob sharoitlarida va tegishli temperaturaning yuzaga 
kelishi toksin bo‘lishi uchun sharoitlar yaratadi. Bomboj belgilari bo‘lgan konservalarni savdo 
tarmog‘iga chiqarish man etiladi.Davosi: botulizmga qarshi antitoksin zardobi yuborilishi kerak.
 
Mikotoksikozlar 
Ovqat mikotoksikozlari asosan surunkali kasallik bo‘lib organizmga ovqat mahsulotida don 
va don mahsulotlarida ko‘paygan mikroskopik zamburug‘larning hayot faoliyati mahsulotlarni 
to‘kishi natijasida paydo bo‘ladi. 
Mikrotoksikozlarga aflotoksikozlar, alimenter toksik aleykiya (septik angina), ”achigan non” 
dan zaharlanish va ergotizm kiradi. 
Alimentar toksik aleykiya (septik angina) ovqatda qor tagida qolib qishlab qolib ketgan donni 
iste’mol qilish natijasida paydo bo‘ladi. Erta bahordan qorlar erigandan oftob nuri ta’sirida 
dalalardagi donda nam va issiq muxit hosil bo‘lib bu Fuzarium sporotichiellavarlar turkumidagi 
zamburug‘ning ko‘payishiga imkon beradi. 
Kasallikning tarqalishi bahor faslining oxirida yozning boshlarida zaxarlangan g‘alla 
mahsulotlarini iste’mol qilingandan 1-3 hafta keyin kuzatiladi. Aleykiya kasalligining boshlanishi 
qon paydo qiluvchi a’zolar faoliyati buzilishi bilan ifodalanadi. Kasallikning rivojlanishida qonda 
leykopeniya xamda qon tanachalarining hosil bo‘lishida depressiya (trombopeniya, gipoxrom 
anemiya) alomatlari kuzatiladi. Leykotsitlarning miqdori 1 mm
3
-1000 va undan kam, 
eritrotsidlarning soni 18.00000 gacha kamayishi mumkin. Terida gemoragik toshmalar paydo 
bo‘ladi. Tomog‘ning difterik yallig‘lanishi bilan birga og‘ir angina paydo bo‘ladi. 
Ba’zi vaqtlarda kasallik belgisi (noxushlik, og‘iz burishishi, yutishning qiyinlashishuvi, sal 
bo‘lsada ko‘ngil aynishi, qusish, ich ketishi) kuzatiladi.