Ekologiya va geografiya

 

 

qolish,  tabiiy  ekotizmni  asrash,  yo‘qolib  ketishi  havfi  bo‘lgan,  o‘simlik  va 

hayvonat  do‘nyosini  ko‘paytirish,  turli  rejimda  faoliyat  ko‘rsatadigan  hududiy 

rekreatsiya  tizimlarini  barpo  etish,  tabiat  ekologik  yo‘laklarini  barpo  etish  kabi 

vazifalarni  o‘z    oldiga  maqsad  qilib  oladi.  Dunyoda  muhofaza  qilinadigan 

hududlarning soni 20 mingdan ko‘proqdir. 

O‘zbekiston  mustaqillikka erishgach, tabiat muhofazasi muammolarini jadal 

va  katta  mas’uliyat  bilan  hal  qilishda  yangi  bosqich  boshlandi.  O‘zbekiston 

Respublikasi  Konstitutsiyasida  «Fuqarolar  atrof  tabiiy  muhitga  ehtiyotkorona 

munosabatda  bo‘lishga  majburdirlar»  (50-modda),  «Er,  er  osti  boyliklari,  suv, 

o‘simlik  va  hayvonot  dunyosi  hamda  boshqa  tabiiy  zaxiralar  umummilliy 

boylikdir, ulardan oqilona foydalanish zarur va ular davlat muhofazasidadir» (55-

modda)  deb  mustahkamlab  qo‘yilgan.  Hozirda  O‘zbekistonning  atrof  muhit  va 

tabiat  boyliklaridan  foydalanish hamda  ularni  muhofaza qilishga  oid  qonunchiligi 

80 ga yaqin qonun va qarorlarni o‘z ichiga oladi. Barqaror rivojlanishning milliy 

strategiyasi  va  Atrof  muhitni  muhofaza  qilish  harakatining  milliy  rejasi  ishlab 

chiqildi  va  qabul  qilindi,  shuningdek,  Cho‘llashishga  qarshi  kurash  harakatlari 

milliy  rejasi  ham  tayyorlangan.  Endilikda  geoekologik  muammolar  hukumatning 

doimiy nazorati ostida: bu borada ilk muvaffaqiyatlar qo‘lga kiritilmoqda, qishloq 

xo‘jaligi erlaridan tobora oqilona foydalanilmoqda, atrof muhit holati ko‘p shahar 

va  regionlarda  yaxshilanmoqda,  qazilma  boyliklarni  nes-nobud  qilishga  chek 

qo‘yilmoqda.  1991  yilda  «Ekosan»  xalqaro  ekologiya  va  salomatlik  jamg‘armasi 

tashkil  etilgan.  Bu  jamg‘arma  O‘zbekiston  va  umuman,  butun  Markaziy  Osiyo 

mintaqasi  geoekologik  holatini  yaxshilashga,  atrof  muhitni  muhofaza  qilishga, 

aholining  salomatligini  himoya  qilish  va  sog‘lom  zurriyotni  saqlab  qolishga 

qaratilgan dastur va loyihalarni amalga oshiradi.