Ekologiya- bu jonli organizmlarning o’zaro munosabtlarini va ularning atrof muhit bilan o’zaro ta’sirini o’rganadigan fan

Har bir fanda bo’lgani kabi ekologiya fanining o’rganish predmeti mavjud ular:

* Populyatsiya

* Tur

* Geosenoz

* Biosfera

Ekologiy fanining asosiy vazifalari:

Tirik organizmni tashqi muhit omillariga ta’sirini o’rganish

Biologik resurslardan oqlona foydalanish

Sanoatda chiqindisiz texnalogiyani ishlab chiqarish

Bialogik resurslarni yo’lga qo’yish

Ekologiya fanining asosiy vazifasi tur vakillari hosil qiladigan populyasiyalar, turli senozlar, biosenozlar va ekosistemalarning hosil bo’lishi, rivojlanish qonunlarini

aniqlash, ularning muhit bilan munosabatlarini yoritishdan iboratdir.

Ekologiyaning katta birligi ekosistemalarni o’rganishdagi vazifalariga:

1) ma’lum landshaftlarning asosiy ekosistemalarini va ular o’rtasidagi munosabatlarni aniqlash;

2) ekosistemalarda uchraydigan turlar soni va sifatini hamda ular uchraydigan iqlimini, tuproq xilini, joyining holatini o’rganish;

3) ekosistemaning tuzilishini, u yerda uchraydigan turlarning bir-birlari va ularning muhit bilan hamda jonsiz tabiat komponentlari bilan bo’layotgan munosabatlarini ochish;

4) ekosistemaning tarkibini ko’rsatuvchi harorat, namlik, tuproq xillari, tuzlar miqdori (suvda, tuprokda) va biogen moddalarning borligi hamda oz va ko’pligini aniqlash;

5) ekosistemaning mikdorini solishtirishda, uning asosiy komponentlarini o’zaro va muhit bilan aloqalarini ochib, turlarning o’sish, ko’payish va fotosintez

jarayonida hosil bo’ladigan fitomassani hamda uni hayvonlar tomonidan o’zlashtirish tezligini aniqdash;

6) ekosistemalarda uchraydigan hamma komponentlarning fasllar bo’yicha yil davomida va ko’p yillar mobaynida sodir bo’ladigan o’zgarishlarini

O’rganib, u yoki bu ekosistema asosida umumiy qonunlar yaratish, kelajak uchun chora-tadbirlar ishlab chiqarish kiradi.

Hozirgi kunda atrof muhitda sodir bo’layotgan turli ekologik ziddiyatlarning oldini olish va chora-tadbirlar ishlab chiqishda ekologik ta’lim va tarbiya masalalarini hal qilish maqsadga muvofikdir.