Ekologik xavfsizlikni ta'minlashda ekologik monitorni ahamiyati

Jamiyat, ijtimoiy, iqtisodiy, siyosiy hayotining intensivlashuvi
Turli mamlakatlarning o’ziga xos muqobil ekologik siyosatlari, ular o’rtasidagi ziddiyatlarni ifodalamaydi, aksincha, bu siyosiy qarashlar, tadbirlar umuminsoniy manfaatlar «chorraxasida» birlashadi.
Darxaqiqat, ekologik xavfsizlikni ta‘minlashning umuminsoniy mohiyati, zaruriyati planetamizda tirik organizmlar, shu jumladan inson xayotini, avlodlar kelajagini saqlab qolish ehtiyojlari, kishilik jamiyati umumiy manfaatlariga mos keladi.
Shuning uchun har qanday davlat miqyosida ekologik siyosat mahalliy yoki milliy manfaatlaridan yuqori qo’yilmog’i lozim. Lekin shuni ham aytish kerakki, davlatlarning milliy ekologik siyosati muammoga tabaqalashgan tarzda yondashishni istisno qilmaydi, aksincha, hududlarning, davlatlarning o’ziga xos ekologik muammolarning hal qilishda geografik, etnografik, iqtisodiy ishlab chiqarish samaradorligi belgilaydi. Shu bilan birgalikda, ekologik muammolarning umuminsoniy tavsifi davlatlar o’rtasidagi ekologik siyosiy munosabatlarni bosqichma – bosqich, izchil amalga oshirishni taqoza qilmoqda.
Muayyan tarixiy davr xar bir davlatda ekologik xavfsizlikni ta‘minlash siyosatning o’ziga xos xususiyatlarini, yo’nalishlarini belgilab bergan. BMT ning Rio – de Janeyroda (1992 y iyun) bo’lib o’tgan tabiiy muhitni muhofaza qilishga bag’ishlangan xalqaro konferentsiyasida rivojlanayotgan mamlakatlarning ijtimoiy – iqtisodiy taraqqiyotida an‘anaviy bozor iqtisodiyoti modeli, murakkab ravishda. Ekologik vaziyati yanada keskinlashtirishga olib borishi qayd qilinib, ularning yo’lidan borish nomoqbul deb topilgan edi.
Anjuman qatnashchilarining fikriga ko’ra, hozir rivojlanish yo’liga kirgan mamlakatlarni industrial taraqqiyotiga ekologik tadbirlar asosida mu‘tadil, bosqichma-bosqich olib kirish maqsadga muvofiqdir.
Ekologik xavfsizlik ilmiy kontseptsiyasining ustivor yo’nalishlari
Markaziy Osiyo respublikalari o’rtasida O’zbekistonning geografik, demografik, etnografik, iqtisodiy ishlab chiqarish xususiyatlarini, siyosiy munosabatlardagi strategik ahamiyatini hisobga olgan holda ekologik xavfsizlik ilmiy kontseptsiyasini ishlab chiqarib, uning ustuvor yo’nalishlarini aniqlash milliy mustaqillikni mustahkamlash vazifalarini samarali hal qilishning zaruriy shartidir.