Egamberdiyev oybekning xorazm viloyatida ichki turizm bozorini rivojlantirish imkoniyatlari

“Chodra hovli” me‟moriy yodgorligi 
Me‟moriy yodgorlik Xiva tumanning janubiy –sharqiy qismida “Soyot” 
qishlog„ida, Xivadan 15 km.uzoqlikda joylashgan. Me‟moriy yodgorlik XV-XVII 
asrlarga oid bo„lib, u paxsa devordan tiklangan va arxitekturaviy kompozitsiyasi 
minorasimon tarzda 4 qavatdan iborat qilib qurilgan. Me‟moriy yodgorlik Xiva 
xonining shahar tashqarisidagi dala hovlisi bo„lib, uning atrofi devor bilan 
o„ralgan, ichki qismida turli xil mevali daraxtlar ekilgan katta bog„ mavjud. 
Amalga oshirish lozim bo„lgan tadbirlar: 
-Yodgorlik atrofidagi buzilgan devorlarni qayta tiklash, yodgorlikka olib 
boradigan yo„llarni va bog„ni obodonlashtirish va sanitariya holatini yaxshilash, 
maishiy xizmat ko„rsatish ob‟ektlarini (do„kon, oshxona, hojatxona va boshqalar) 
joriy etish; 
-Bog„da yangi mevali daraxtlarni va turli xildagi gullarni o„stirish va 
ko„kalamzorlashtirish; 
-Xon va uning oila a‟zolarining yozda bog„da dam olish jarayonlarini suratlar 
va haykallar yordamida ko„rsatib beruvchi muzey tashkil etish hamda bog„dagi 
mevalar va gullarning hamda milliy taomlarni tayorlash ko„rgazmasini tashkil 
etish; 
“Shayx Muxtor Valiy” maqbarasi
“Ostanabuva qabristoni” deb ataluvchi ushbu mashhur va qadimiy maqbara – 
Yangiariq tumani Ostona qishlog„ida, Xivadan 25 km uzoqlikda joylashgan. 
Maqbara 1287 yilda vafot etgan taniqli Xorazm Shayxi nomiga Usta 
Zayniddin ibn Odina Muhammad tomonidan qurilgan. Rivoyatlarda bu qadamjo 
Makka shahridagi Ka‟batullohning “Ostonasi”, ya‟ni mukarram joy ekanligi 
aytilgan. 
Amalga oshirish lozim bo„lgan tadbirlar: 

---

71 
-Maqbara va uning atrofini obodonlashtirish va sanitariya holatini tartibga 
keltirib, maqbaraga etib borgunga qadar bo„lgan yo„llarni tartibga keltirish; 
-Maqbara atrofida maishiy xizmat ko„rsatish ob‟ektlarini (do„kon, oshxona, 
hojatxona va boshqalar) tashkil etish; 
-Mahalliy va xorijiy sayohatchilar ziyoratlarni to„la-to„kis amalga oshirishlari 
uchun barcha qulay shart sharoitlarni yaratish;