Эгамбердиева Т

Тинчлик маданияти
Ўзбекистон Республикаси Президенти Ислом Каримов ташаббуси асосида, 1998 йилнинг 6 ноябр куни ЮНЕСКО Ижроия кенгаши 155-сессиясининг махсус йиғилиши Тошкент шаҳрида ташкил этилди. Ушбу йиғилишда «Тинчлик маданияти ва аъзо-давлатлардаги ЮНЕСКО фаолияти» номли Тошкент декларацияси қабул қилинди. 2001 йилда Бухоро шаҳри ЮНЕСКОнинг «Тинчлик шаҳри» мукофотини олди.
ЮНЕСКО раҳнамолигидаги юбилей саналар
1994-2009 йилларда ЮНЕСКО билан ҳамкорликда нишонланган юбилей саналари:
1994 Мирзо Улуғбек таваллудининг 600 йиллиги;
1996 Амир Темур таваллудининг 660 йиллиги;
1997 Бухоро ва Хива шаҳарларининг 2500 йиллиги;
1998 Имом ал Бухорий таваллудининг 1225 йиллиги ва Ахмад ал
Фарғоний таваллудининг 1200 йиллиги;
1999 «Алпомиш» достонининг 1000 йиллиги;
2000 Камолиддин Бехзод таваллудининг 545 йиллиги;
2001 «Авеста» зардуштийлар муқаддас китобининг 2700 йиллиги;
2002 Термиз шаҳрининг 2500 йиллиги ва Шаҳрисабз шаҳрининг 2700 йиллиги;
2003 Абдухолиқ Ғиждувоний таваллудининг 900 йиллиги;
2004 Қарши шаҳрининг 2700 йиллиги;
2005 Хоразм Маъмун академиясининг 1000 йиллиги;
2007 Марғилон шаҳрининг 2000 йиллиги;
2007 Самарқанд шаҳрининг 2750 йиллиги;
2009 Тошкент шаҳрининг 2200 йиллиги¹.
КОММУНИКАЦИЯ ВА АХБОРОТ
«Жаҳон хотираси» дастури
Жаҳон хотираси дастури 1992 йилда таъсис этилган. «Жаҳон хотираси» дастури бўйича Ўзбекистон Республикаси Миллий қўмитаси Алишер Навоий номидаги Ўзбекистон Миллий кутубхонаси қошида ташкил этилган. «Жаҳон хотираси» дастурининг асосий мақсади дунёдаги ноёб ҳужжатларни асраш ва ушбу бутунжаҳон меросини кенг оммавийлаштириш ва ундан фойдаланишга имконият яратиш. Ҳужжатли меросни сақлаш бўйича Марказий Осиё минтақаси биринчи анжумани ва «Жаҳон хотираси» дастури халқаро маслаҳат қўмитасининг учинчи учрашуви Тошкент шаҳрида ташкил этилди (1997 йил сентябр/октябр ойлари). Ўзбекистон Республикасининг қуйидаги ҳужжатли мерослари «Жаҳон хотираси» дастурининг халқаро рўйхатига киритилган:
■■ Муқаддас Усмон қуръони (Ўзбекистон мусулмонлар идорасида сақланади);
■■ Ўзбекистон Фанлар академияси қошидаги Беруний номидаги Шарқшунослик институти қўлёзмалар тўплами. 2001-2004 йиллар мобайнида, ЮНЕСКО қатнашув дастури доирасида, «Шарқ миниатюраси» китобининг уч жилди нашр этилди ва мултимедиа тайёрланди. ЮНЕСКОнинг 2007 йилдаги қатнашув дастури доирасида Навоий номидаги Ўзбекистон Давлат кутубхонасида қўлёзмаларни асраш учун рақамли студия яратишда ёрдам кўрсатилди. ЮНЕСКО Бош директори таклифига биноан Ўзбекистон мутахассиси ЮНЕСКОнинг «Жаҳон хотираси» дастури халқаро маслаҳат қўмитасига 2005-2009 йилларда аъзо бўлиб тайинланди.