Эгамбердиева Т

Комиссиянинг зиммасига қуйидаги вазифалар юклатилган:
■■ ЮНЕСКО тадбирларида ва лойиҳаларида Ўзбекистон Республикаси вазирликлари, идоралари, ташкилотлари ва мутахассисларининг иштироки тўғрисида ЮНЕСКОнинг котибиятига ҳамда минтақавий ваколатхоналарига таклифлар тайёрлаш ва тақдим этиш;
■■ Таълим, фан, маданият ва ахборот соҳасида халқаро, минтақавий ва икки томонлама ҳамкорликни ривожлантириш масалалари бўйича ЮНЕСКОнинг минтақавий ваколатхоналари ва марказлари билан мунтазам равишда музокаралар ўтказиш;
■■ Ўзбекистон Республикаси ҳудудида ва жаҳон миқёсида ЮНЕСКО
тадбирларини тайёрлаш ва ўтказишда қатнашиш;
■■ ЮНЕСКО томонидан ташкил этиладиган Бош анжуман ҳамда бошқа ҳукуматлараро тадбирларини тайёрлашга ва ўтказишга кўмаклашиш;
■■ ЮНЕСКО дастурларини ишлаб чиқиш ва бажаришда Ўзбекистон Республикасининг давлат ва нодавлат ташкилотларини жалб этиш;
■■ ЮНЕСКО котибиятида ва минтақавий ваколатхоналарида ишлаш учун республика мутахассислари захирасини тайёрлаш;
■■ ЮНЕСКО ваколати доирасида халқаро ҳамкорликни кенгайтириш.
Миллий комиссия умумий мажлис ва котибиятдан ташкил топган бўлиб, комиссиянинг раиси таълим, соғлиқни сақлаш ва ижтимоий муҳофаза масалалари, ахборот тизимлари ва телекоммуникация бўйича Ўзбекистон Республикаси Бош вазирининг ўринбосари ҳисобланади. Умумий мажлис таркибига 32 киши аъзодир. Умумий мажлис Олий Мажлис Сенати ва Қонунчилик палатаси, тегишли вазирлик ва идоралар (шу жумладан, Олий ва ўрта махсус таълим вазири, Халқ таълими вазири, Маданият ва спорт ишлари вазири, Фанлар академияси раиси, Бадиий академия раиси, Алоқа ва ахборотлаштириш агентлиги Бош директори, Миллий телерадиокомпания раиси, Миллий ахборот агентлиги Бош директори), ҳокимиятлар, уюшмалар, жамғармалар, марказий муассасалар, нодавлат ташкилотлар вакилларидан иборат¹.
■■ Таълим соҳасида – «Таълим барча учун» дастури, барқарор тараққиёт таълими, инклюзив таълим, ЮНЕСКО кафедралари, ЮНЕСКОнинг бирлашган мактаблар тармоғи, ахборот ва коммуникация технологиялари соҳасидаги таълим, жамоат таълим марказлари, касб-ҳунар ўқув муассасалари тармоғи (ЮНЕВОК), соғлом турмуш тарзи таълими;
■■ Фан соҳасида – МОСТ («Ижтимоий ислоҳотларни бошқариш») дастури, биоетика дастури, «Инсон ва биосфера» дастури, халқаро гидрология дастури, Марказий Осиё тадқиқотлари халқаро институти, қайта тикланадиган энергия манбалари, фан таълими, аниқ фанлар, фалсафа;
■■ Маданият соҳасида – маданий моддий ва номоддий мерос;
■■ Коммуникация ва ахборот соҳасида – «Ахборот барча учун» дастури, «Жаҳон хотираси» дастури.